തിരുവനന്തപുരം: കേരള സര്ക്കാര് നവകേരളം എന്ന ലക്ഷ്യത്തിലേക്ക് മുന്നേറുകയാണെന്ന് ഗവര്ണര് രാജന്ദ്ര ആര്ലേക്കര്.
കേരള നിയമസഭയുടെ പതിനഞ്ചാം സമ്മേളനത്തിന് തുടക്കം കുറിച്ചുകൊണ്ടാണ് ഗവര്ണര് രാജേന്ദ്ര ആര്ലേക്കറുടെ നയപ്രഖ്യാപന പ്രസംഗം ആരംഭിച്ചത്.
മലയാളത്തില് നമസ്കാരം എന്ന് പറഞ്ഞുകൊണ്ടാണ് ഗവര്ണര് പ്രസംഗം ആരംഭിച്ചത്.
പ്രസംഗത്തിനായി നിയമസഭയിലെത്തിയ ഗവര്ണറെ ഗാര്ഡ് ഓഫ് ഓണര് നല്കിയാണ് സ്വീകരിച്ചത്. ഗവര്ണറായി ചുമതലയേറ്റശേഷമുള്ള ആര്ലേക്കറുടെ കേരളത്തിലെ ആദ്യ നയപ്രഖ്യാപനമാണ് നടന്നത്.
അടിസ്ഥാന സൗകര്യ വികസനത്തിന് സര്ക്കാര് മുൻഗണന നല്കുന്നുണ്ടെന്നും ജനങ്ങള്ക്ക് നല്കിയ വാഗ്ദാനങ്ങള് പാലിച്ചുവരുന്നുവെന്നും ഗവര്ണര് നയപ്രഖ്യാപന പ്രസംഗത്തില് പറഞ്ഞു.ദാരിദ്ര നിർമ്മാർജ്ജനത്തിനു മുൻഗണന നല്കുന്നുണ്ടെന്നും എല്ലാവര്ക്കും പാർപ്പിടം ഉറപ്പാക്കാൻ നടപടി പുരോഗമിക്കുകയാണെന്നും 64006 അതി ദാരിദ്രരെ കണ്ടെത്തിയെന്നും അവരുടെ പ്രശ്നം പരിഹരിക്കാൻ നടപടി തുടങ്ങിയെന്നും ഗവര്ണര് പറഞ്ഞു.
