കുമരകം: യൂറോപ്യൻ യൂണിയന്റെ ഇറാസ്മസ് മുണ്ടസ് സ്കോളർഷിപ്പിന് കുമരകം സ്വദേശിനി അർഹയായി. കുമരകം കൊച്ചുപറമ്പിൽ സോന സാബുവാണ് സ്കോളർഷിപ്പിന് അർഹയായത്. ന്യൂക്ലിയർ ഫ്യൂഷൻ ആൻഡ് എൻജിനീയറിഗ് ഫിസിക്സ് കോഴ്സ് ജർമനി, ഫ്രാൻസ്, എന്നീ രാജ്യങ്ങളിലായി പഠിക്കുന്നതിനാണ് സ്കോളർഷിപ്പ്.
75 ലക്ഷം രൂപയാണ് സ്കോളർഷിപ്പായി ലഭിക്കുക. കുമരകം എസ്.കെ.എം പബ്ലിക് സ്കൂൾ, എസ്.കെ.എം ഹയർ
സെക്കൻഡറി സ്കൂൾ, ഡൽഹി സെന്റ് സ്റ്റീഫൻസ് കോളേജ് എന്നിവിടങ്ങളിലായിരുന്നു സോനയുടെ വിദ്യാഭ്യാസം. കൊച്ചുപറമ്പിൽ സാബു – എൽസ ദമ്പതികളുടെ മകളാണ് സോന.
