കോട്ടയം: എരുമേലിക്ക് സമീപം പമ്പാവാലി കണമലയിൽ ബസ് മറിഞ്ഞ് അപകടം. ശബരിമല തീർത്ഥാടകർ സഞ്ചരിച്ച ബസാണ് മറിഞ്ഞത്. അപകടത്തിൽ ഒരാൾ മരിച്ചു.
പരിക്കേറ്റ മൂന്നു പേരുടെ നില ഗുരുതരം. ഗുരുതരമായി പരിക്കേറ്റവരെ ആശുപത്രിയിലേക്കു മാറ്റി. കർണാടകയിൽ നിന്നുള്ള തീർത്ഥാടകരാണ് ബസിൽ ഉണ്ടായിരുന്നത്. ബസിൽ 35 പേർ ഉണ്ടായിരുന്നു.
ശബരിമലയിലേക്ക് പോകുകയായിരുന്നു തീർത്ഥാടക സംഘം. അപകടം നടന്ന അട്ടിവളവ് സ്ഥിരം അപകടമേഖലയാണെന്നാണ് പ്രദേശവാസികൾ പറയുന്നത്.
