പാലക്കാട്: കെഎസ്ആർടിസി ബസില് ഡ്രൈവിംഗ് സീറ്റിലിരുന്ന് യുവാവിന്റെ പരാക്രമം.
മദ്യലഹരിയില് ബസ് ഓടിക്കാൻ ശ്രമിച്ചതിന് പാലക്കാട് യാക്കര സ്വദേശി അഫ്സലിനെതിരെ പൊലീസ് കേസെടുത്തു.
പാലക്കാട് കെ എസ്ആർടിസി ബസ് സ്റ്റാൻഡില് വൈകീട്ട് 5.30 ഓടെയായിരുന്നു സംഭവം.
സ്റ്റാൻഡില് നിർത്തിയിട്ടിരുന്ന ബസ് മദ്യലഹരിയിലായിരുന്ന യുവാവ് ഓടിക്കാൻ ശ്രമിച്ചു. ഇത് ശ്രദ്ധയില്പെട്ടയുടൻ ജീവനക്കാർ പൊലീസിനെ വിവരമറിയിക്കുകയായിരുന്നു.
പൊലിസെത്തി ഏറെ നേരത്തെ പരിശ്രമങ്ങള്ക്കൊടുവിലാണ് യുവാവിനെ ഡ്രൈവിങ്ങ് സീറ്റില് നിന്നുമിറക്കിയത്. കസ്റ്റഡിയിലെടുത്ത ശേഷം സ്റ്റേഷനിലേക്ക് കൊണ്ടുപോയി
