കൊല്ലം: മുഖ്യമന്ത്രിയുടെ വാഹനവ്യൂഹത്തിന് തടസമുണ്ടാക്കിയെന്ന ആരോപണത്തില് പൊലീസ് കസ്റ്റഡിയിലെടുത്ത അഞ്ച് വിദ്യാര്ത്ഥികളെയും വിട്ടയച്ചു.
കൊല്ലം ചടയമംഗലത്താണ് കേള്വിപരിമിതിയുള്ളതും സംസാര ശേഷിയില്ലാത്തവരുമായ ഇവര് അഞ്ച് പേരെയും പൊലീസ് കസ്റ്റഡിയില് എടുത്തത്. യുവാക്കള്ക്കെതിരെ കേസെടുത്തിട്ടില്ലെന്ന് പൊലീസ് അറിയിച്ചു.
മുഖ്യമന്ത്രിയുടെ വാഹനവ്യൂഹത്തിന് മുന്നില് നിന്നും ഹോണടിച്ചിട്ടും മാറിയില്ലെന്ന ആരോപണത്തിലായിരുന്നു ഇവരെ കസ്റ്റഡിയിലെടുത്തത്.
ഇവര്ക്ക് കേള്വിപരിമിതിയുണ്ടെന്ന് ബോധ്യപ്പെട്ടതിനെ തുടര്ന്നാണ് വിട്ടയച്ചത്. തിരുവനന്തപുരം ആക്കുളം നിഷിലെ വിദ്യാര്ഥികളാണ് ഇവര്. നിഷിലെ അധികൃതര്ക്കൊപ്പമാണ് ഇവരെ വിട്ടയച്ചത്.
അര്ദ്ധരാത്രിയോടെ അഞ്ചുപേരും തിരുവനന്തപുരത്ത് എത്തി. ഇവര്ക്കെതിരെ കേസ് എടുത്തിട്ടില്ലെന്നും പൊലീസ് അറിയിച്ചു.
