തിരുവനന്തപുരം: കോർപ്പറേഷനിലെ ബിജെപി കൗണ്സിലർ ആർ സുഗതന് കോടതി ഇടക്കാല ജാമ്യം അനുവദിച്ചു. വധശ്രമക്കേസിലും പൊലീസിനെ ആക്രമിച്ച കേസിലുമാണ് സുഗതന് ജാമ്യം ലഭിച്ചത്.
നെടുമങ്ങാട്ട് രണ്ടാം ക്ലാസ് മജിസ്ട്രേറ്റ് കോടതിയാണ് സുഗതന് ജാമ്യം അനുവദിച്ചത്. ദൈവങ്ങളുടെ നാമത്തില് സത്യപ്രതിജ്ഞ ചെയ്ത ബിജെപി കൗണ്സിലർമാരുടെ സത്യപ്രതിജ്ഞ ഹൈക്കോടതി റദ്ദാക്കിയ സാഹചര്യത്തില് വീണ്ടും സത്യപ്രതിജ്ഞ ചെയ്യുന്നതിനായാണ് ഇടക്കാല ജാമ്യം. എന്നാല്, കാപ്പ കേസില് ഹൈക്കോടതിയില്നിന്നുകൂടി ജാമ്യം ലഭിച്ചാല് മാത്രമേ സുഗതന് പുറത്തിറങ്ങാനാകൂ.
