ഡൽഹി: നവംബർ മാസം രാജ്യത്ത് ഉത്സവങ്ങളുടെ കാലമാണ്.
ഈ മാസം പതിമൂന്ന് ദിവസങ്ങളിലാണ് ബാങ്കുകള്ക്ക് അവധി. ബാങ്കിലെത്തി ഇടപാടുകള് നടത്തുന്നവർ ഈ അവധി ദിവസങ്ങള് അറിഞ്ഞിരിക്കുക.
അല്ലെങ്കില്, അവസാന നിമിഷത്തിലുണ്ടാവുന്ന അസൗകര്യം ചിലപ്പോള് പലർക്കും വലിയ നഷ്ടങ്ങളുണ്ടാക്കിയേക്കും. അതേസമയം, ബാങ്ക് അവധി ദിവസങ്ങളില് മൊബൈല് ബാങ്കിംഗ്, യുപിഐ, ഇന്റർനെറ്റ് ബാങ്കിംഗ് തുടങ്ങിയ ഡിജിറ്റല് സേവനങ്ങള് തടസമില്ലാതെ തുടരുമെന്ന് ബാങ്ക് ഉപഭോക്താക്കള് അറിഞ്ഞിരിക്കണം.
മാത്രമല്ല, ഓരോ അവധികളും പല സംസ്ഥാനങ്ങള്ക്കും വ്യത്യസ്തമായിരിക്കും. പ്രാദേശിക ആഘോഷങ്ങളും കണക്കിലെടുത്താണ് അവധി. ഗസറ്റഡ് അവധി ദിവസങ്ങളില് രാജ്യവ്യാപകമായി ബാങ്കുകള് അടച്ചിടും.
ആർബിഐയുടെ അവധി പട്ടിക ഇങ്ങനെയാണ്
നവംബർ 1: ദീപാവലി, കന്നഡ രാജ്യോത്സവം – ത്രിപുര, കർണാടക, ഉത്തരാഖണ്ഡ്, ജമ്മു & കാശ്മീർ, മഹാരാഷ്ട്ര, മേഘാലയ, സിക്കിം, മണിപ്പൂർ എന്നിവിടങ്ങളില് ബാങ്കുകള്ക്ക് അവധി.
നവംബർ 2: ദീപാവലി, വിക്രം സംവന്ത് – ഗുജറാത്ത്, മഹാരാഷ്ട്ര, കർണാടക, ഉത്തരാഖണ്ഡ്, സിക്കിം, രാജസ്ഥാൻ, ഉത്തർപ്രദേശ് എന്നിവിടങ്ങളില് ബാങ്കുകള്ക്ക് അവധി.
നവംബർ 3 – ഞായർ
നവംബർ 7: ഛത്ത് ആഘോഷം – ബംഗാള്, ബിഹാർ, ജാർഖണ്ഡ്, മേഘാലയ എന്നിവിടങ്ങളിലെ ബാങ്കുകള്ക്ക് അവധി.
നവംബർ 8 ഛത്ത് ആഘോഷം – ബംഗാള്, ബിഹാർ, ജാർഖണ്ഡ്, മേഘാലയ എന്നിവിടങ്ങളിലെ ബാങ്കുകള്ക്ക് അവധി.
നവംബർ 9 – രണ്ടാം ശനി
നവംബർ 10 – ഞായർ
നവംബർ 12: ഈഗാസ്-ബാഗ്വാള് ആചരണം ഉത്തരാഖണ്ഡില് ബാങ്കുകള്ക്ക് അവധി.
നവംബർ 15: ഗുരുനാനാക്ക് ജയന്തി
നവംബർ 17 – ഞായർ
നവംബർ 18: കനകദാസ ജയന്തിക്ക് കർണാടകയില് ബാങ്കുകള് ബാങ്കുകള്ക്ക് അവധി.
നവംബർ 23: മേഘാലയയില് പ്രാദേശിക ആഘോഷത്തോട് അനുബന്ധിച്ച് ബാങ്കുകള്ക്ക് അവധി.
നവംബർ 24 – ഞായർ
