തിരുവനന്തപുരം: ആറ്റുകാല് പൊങ്കാല മഹോത്സവത്തിന് ഇന്ന് തുടക്കം.
രാവിലെ പത്ത് മണിക്ക് കാപ്പുകെട്ടി ദേവിയെ കുടിയിരുത്തുന്നതോടെയാണ് ഉത്സവത്തിന് തുടക്കം കുറിക്കുന്നത്.
വൈകീട്ട് 6-ന് കലാപരിപാടികളുടെ ഉദ്ഘാടനം നടി നമിതാ പ്രമോദ് നിർവഹിക്കും.
ആറ്റുകാല് അംബാ പുരസ്കാരം ഡോ.കെ.ഓമനക്കുട്ടിക്ക് സമർപ്പിക്കും. 13-നാണ് പ്രശസ്തമായ പൊങ്കാല.
പൊങ്കാല മഹോത്സവത്തിന്റെ അവസാന വട്ട ഒരുക്കങ്ങള് വിലയിരുത്താൻ മുഖ്യമന്ത്രി പിണറായി വിജയന്റെ അധ്യക്ഷതയില് കഴിഞ്ഞ ദിവസം യോഗം ചേർന്നിരുന്നു. ഒരുക്കങ്ങള് എല്ലാം പൂർത്തിയായതായി ക്ഷേത്രം ഭാരവാഹികള് അറിയിച്ചിട്ടുണ്ട്.
