തിരുവനന്തപുരം: ഡിജിപി ഓഫീസിലേക്ക് പ്രതിഷേധ മാര്ച്ച് നടത്തിയ കെ.എസ്.യു പ്രവര്ത്തകര്ക്കെതിരെ മൃഗീയമായി തല്ലിച്ചതയ്ക്കാന് പൊലീസിന് നിര്ദ്ദേശം നല്കിയത് മുഖ്യമന്ത്രിയെന്ന് കെപിസിസി പ്രസിഡന്റ് കെ സുധാകരന് എംപി.
പൊലീസ് നടത്തിയത് നരനായാട്ടാണ്. എസ്.എഫ്.ഐക്കാരെ ഭാവിയുടെ വാഗ്ദാനമായി കാണുന്ന മുഖ്യമന്ത്രി കെ.എസ്.യു വിദ്യാര്ത്ഥികളോട് തരംതിരിവ് കാട്ടുകയാണെന്ന് സുധാകരന് പറഞ്ഞു.
പൊലീസ് കെഎസ് യു പ്രവര്ത്തകര്ക്കെതിരെ ലാത്തിചാര്ജ് നടത്തിയത് മുന്കൂട്ടി നിശ്ചയിച്ചതുപ്രകാരമാണ്. കുട്ടികളാണെന്ന പരിഗണന പോലും നല്കാതെയാണ് അവരെ വളഞ്ഞിട്ട് തല്ലിയത്. ആണ് പെണ് ഭേദമില്ലാതെ കണ്ണിച്ചോരയില്ലാത്ത വിധം തല്ലിച്ചതച്ചു.
പ്രതിഷേധ മാര്ച്ച് ഉദ്ഘാടനം ചെയ്ത മാത്യുകുഴല് നാടനെ ഒരു ജനപ്രതിനിധിയെന്ന പരിഗണന പോലും നല്കാതെ പോലീസ് മര്ദ്ദിച്ചത് പ്രതിഷേധാര്ഹമാണ്. കെഎസ് യു അധ്യക്ഷന് അലോഷ്യസ് സേവ്യര് ഉള്പ്പെടെ നിരവധി പ്രവര്ത്തകര്ക്ക് ലാത്തിചാര്ജില് പരിക്കേറ്റു.
പരിക്കേറ്റ കുട്ടികളെ ആശുപത്രിയിലേക്ക് മാറ്റാന് പോലും പോലീസ് തയ്യാറായില്ല.
പോലീസ് ജലപീരിങ്കിക്കൊപ്പം ലാത്തിചാര്ജും അഴിച്ചുവിടുകയായിരുന്നു.
