കോട്ടയം: ചായക്കടയിലെ അതെ സ്വാദില് സുഖിയൻ വീട്ടിലുണ്ടാക്കാം. ഇന്ന് വൈകീട്ട് ചായക്ക് സുഖിയൻ തയ്യാറാക്കിയാലോ? റെസിപ്പി നോക്കാം.
ആവശ്യമായ ചേരുവകള്
ചെറുപയർ വേവിക്കുന്നതിനായി
ചെറുപയർ- അര കപ്പ്
വെള്ളം- ഒന്നേ കാല് കപ്പ്
ഉപ്പ്- ആവശ്യത്തിന്
മാവ് തയ്യാറാക്കുന്നതിനായി
മൈദ- ഒന്നര കപ്പ്
വെള്ളം- ഒന്നേകാല് കപ്പ്
മഞ്ഞള്പ്പൊടി- കാല് ടീസ്പൂണ്
ഉപ്പ്-ആവശ്യത്തിന്
ശർക്കര- 250 ഗ്രാം
തേങ്ങ ചിരകിയത്- ഒരു കപ്പ്
ഏലയ്ക്കാപ്പൊടി
ഓയില്
തയ്യാറാക്കുന്ന വിധം
മൂന്ന് മണിക്കൂറോളം നേരം ചെറുപയർ വെള്ളത്തിലിട്ട് കുതിർത്തെടുക്കുക. ഉപ്പും ഒന്നേകാല് കപ്പ് വെള്ളവും ചേർത്ത് വേവിവിച്ചെടുക്കുക. ഒരു പാത്രത്തില് മൈദ, ഉപ്പ്, മഞ്ഞള്പ്പൊടി എന്നിവ വെള്ളമൊഴിച്ച് കട്ടിയില്ലാത്ത വിധത്തില് കലക്കിയെടുക്കുക. ലേശം മയം വരുന്നതിനായി അര മണിക്കൂർ അടച്ചുവെക്കുക. മറ്റൊരു പാത്രത്തില് ശർക്കര ഉരുക്കിയെടുക്കുക. ഇതിലേക്ക് തേങ്ങ ചിരകിയതും ചേർത്ത് വറ്റിച്ചെടുക്കുക. ചെറുപയർ ചേർത്തിളക്കുക. ഇതിലേക്ക് ഏലയ്ക്കാപ്പൊടി ചേർക്കുക. ഈ കൂട്ട് ചെറിയ ഉരുളകളാക്കി നേരത്തെ തയ്യാറാക്കി വെച്ചിരിക്കുന്ന മാവില് മുക്കി എണ്ണയില് പൊരിച്ചെടുക്കുക.
