അതിരമ്പുഴ: കോട്ടയം മെഡിക്കല് കോളേജ് ആശുപത്രിയിലെ പ്രതിസന്ധി പരിഹരിക്കാന് അടിയന്തിര നടപടി സ്വീകരിക്കണമെന്ന് ആവശ്യപ്പെട്ട് മെഡിക്കല് കോളേജ് സ്ഥിതി ചെയ്യുന്ന ജില്ലാ പഞ്ചായത്ത് അതിരമ്പുഴ ഡിവിഷന് മെമ്പർ പ്രഫ.ഡോ. റോസമ്മ സോണി മന്ത്രി വീണ ജോര്ജിന് സന്ദേശം അയച്ചു.
മരുന്നു ക്ഷാമം മൂലം ശസ്ത്രക്രിയകള് മുഴുവന് നടത്താന് കഴിയുന്നില്ലെന്ന് ഡോ. റോസമ്മ സോണി കുറ്റപ്പെടുത്തി. കാന്സര് രോഗികള്ക്കുള്ള അവശ്യ മരുന്നുകള് കിട്ടാതെ സാധാരണക്കാരായ രോഗികള് വലയുകയാണ്. ആശുപത്രി വികസനസമിതി വിളിച്ചുകൂട്ടി ചര്ച്ച നടത്താന് ഒരു വര്ഷമായിട്ടും അധികൃതര് തയാറായിട്ടില്ല.
ആരോഗ്യ സുരക്ഷ പദ്ധതിയിലെ തടസങ്ങള് മാറ്റാന് ഉടന് സര്ക്കാര് ഇടപെടലുകള് ഉണ്ടാകണമെന്ന് ആരോഗ്യ മന്ത്രിയോട് നിവേദനത്തിലൂടെ ആവശ്യപ്പെട്ടു.
