കോട്ടയം: കണ്ണിന് ചുറ്റും കറുപ്പ് ഉണ്ടോ? പല കാരണങ്ങള് കൊണ്ടാണ് കണ്ണിന് ചുറ്റും കറുപ്പ് ഉണ്ടാകുന്നത്.
നിർജ്ജലീകരണം, അമിതമായ സ്ക്രീൻ ഉപയോഗം, ഉറക്കകുറവ്, സ്ട്രെസ്, തുടങ്ങി പല കാരണങ്ങള് കൊണ്ട് കണ്ണിന് ചുറ്റും കറുപ്പ് ഉണ്ടാകാം. കറുപ്പിനെ അകറ്റാൻ വീട്ടില് തന്നെ പരീക്ഷിക്കാവുന്ന ഒരു പൊടിക്കെെ നോക്കിയാലോ?
ഒന്ന്
ഉരുളക്കിഴങ്ങില് അടങ്ങിയിരിക്കുന്ന വിറ്റാമിനുകള് ചർമ്മത്തിലെ പാടുകളും അതുപോലെ നിറവ്യത്യാസവുമൊക്കെ മാറ്റാൻ സഹായിക്കുന്നതാണ്. ഉരുളക്കിഴങ്ങ് പേസ്റ്റിലേക്ക് അല്പം റോസ് വാട്ടർ ചേർത്ത് കണ്ണിന് ചുറ്റും പുരട്ടുക. 15 മിനുട്ടിന് ശേഷം കഴുകി കളയുക. ഇത് കറുപ്പ് അകറ്റുന്നതിന് സഹായിക്കുന്നു.
രണ്ട്
1 ടീസ്പൂണ് കാപ്പിപൊടിയും അല്പം തെെരും യോജിപ്പിച്ച് കണ്ണിന് ചുറ്റും പുരട്ടുക. ഇത് കറുപ്പ് എളുപ്പം അകറ്റാൻ സഹായിക്കും. തൈരിലെ വിറ്റാമിനുകളും ധാതുക്കളും ചർമ്മത്തെ സുന്ദരമാക്കും.
മൂന്ന്
ഓറഞ്ചിന്റെ തൊലി നന്നായി പൊടിച്ചതിലേക്ക് അല്പം തെെര് ചേർത്ത് കണ്ണിന് ചുറ്റും പുരട്ടുക. 10 മിനിറ്റിന് ശേഷം കഴുകി കളയാം. ഇതും കണ്തടങ്ങളിലെ കറുപ്പ് മാറാൻ ഉപകരിക്കും.
നാല്
ദിവസവും ഐസ് ഉപയോഗിച്ച് മസാജ് ചെയ്യുന്നത് കണ്ണിനു താഴെയുള്ള കറുത്ത നിറം മാറാൻ സഹായിക്കും.
അഞ്ച്
ഒരു സ്പീണ് കറ്റാർവാഴ ജെല്ലും റോസ് വാട്ടറും യോജിപ്പിച്ച് കണ്ണിന് ചുറ്റും പുരട്ടുക. 20 മിനുട്ടിന് ശേഷം ഇത് കഴുകി കളയുക. കറുപ്പ് മാറാൻ മികച്ചൊരു പാക്കാണിത്. ആഴ്ചയില് രണ്ടോ മൂന്നോ ദിവസം ഈ പാക്ക് ഇടാവുന്നതാണ്.
ആറ്
രണ്ട് സ്പൂണ് വെള്ളരിക്ക ജ്യൂസും അല്പം തക്കാളി നീരും യോജിപ്പിച്ച് കണ്ണിന് താഴേ പുരട്ടുക. ഇതും കറുപ്പ് മാറാൻ മികച്ചതാണ്.
