തിരുവനന്തപുരം: മാവേലിക്കര – ചെങ്ങന്നൂർ സ്റ്റേഷനുകള്ക്കിടയിലെ പൈപ്പ് ലൈൻ ക്രോസിംഗ് നിർമാണ പ്രവൃത്തികള്ക്കായി ട്രെയിൻ ഗതാഗത സർവീസുകള്ക്ക് നിയന്ത്രണം ഏർപ്പെടുത്തുമെന്ന് റെയില്നെ അറിയിച്ചു.
മാർച്ച് 21 വെള്ളിയാഴ്ചയായിരിക്കും നിയന്ത്രണം. ഈ ദിവസം ചില ട്രെയിനുകള് വൈകുകയോ വഴിതിരിച്ചു വിടുകയോ ചെയ്യുമെന്നാണ് അറിയിപ്പില് പറയുന്നത്.
ആലപ്പുഴവഴി
മാർച്ച് 20ന് വേരാവല് ജംഗ്ഷനില് നിന്ന് പുറപ്പെടുന്ന ട്രെയിൻ നമ്ബർ 16333 വേരാവല് – തിരുവനന്തപുരം സെൻട്രല് പ്രതിവാര എക്സ്പ്രസ്, എറണാകുളം ടൗണും കൊല്ലം ജംഗ്ഷനും ഇടയില് ആലപ്പുഴ വഴിയാകും സർവീസ് നടത്തുന്നത്. കോട്ടയം, തിരുവല്ല, ചെങ്ങന്നൂർ, മാവേലിക്കര എന്നിവിടങ്ങളിലെ ഷെഡ്യൂള് പ്രകാരമുള്ള സ്റ്റോപ്പേജുകള് ഉണ്ടാവില്ല.
എന്നാല് ആലപ്പുഴ, കായംകുളം ജംഗ്ഷൻ എന്നിവിടങ്ങളില് താല്ക്കാലിക സ്റ്റോപ്പ് ഉണ്ടായിരിക്കും.
മാർച്ച് 21-ന് മംഗളൂരു സെൻട്രലില് നിന്ന് പുറപ്പെടുന്ന ട്രെയിൻ നമ്ബർ 16348 മംഗളൂരു സെൻട്രല് – തിരുവനന്തപുരം സെൻട്രല് പ്രതിദിന എക്സ്പ്രസ്, എറണാകുളം ടൗണും കായംകുളം ജംഗ്ഷനും ഇടയില് ആലപ്പുഴ വഴി സർവീസ് നടത്തും. ചേർത്തല, ആലപ്പുഴ, അമ്പലപ്പുഴ, ഹരിപ്പാട് എന്നിവിടങ്ങളില് അധിക താല്ക്കാലിക സ്റ്റോപ്പ് ഉണ്ടായിരിക്കും. ഷെഡ്യൂള് പ്രകാരമുള്ള പിറവം റോഡ്, കോട്ടയം, ചെങ്ങന്നൂർ, മാവേലിക്കര എന്നിവിടങ്ങളിലെ സ്റ്റോപ്പ് ഉണ്ടാവില്ല.
നിയന്ത്രണം
മാർച്ച് 21-ന് മധുര ജംഗ്ഷനില് നിന്ന് പുറപ്പെടുന്ന ട്രെയിൻ നമ്പർ 16344 മധുര ജംഗ്ഷൻ – തിരുവനന്തപുരം സെൻട്രല് അമൃത എക്സ്പ്രസ് 30 മിനിറ്റ് വൈകുമെന്നും റെയില്വെ അറിയിച്ചു
