കൊല്ലം: ആര്യങ്കാവില് ഓടിക്കൊണ്ടിരുന്ന ട്രെയിനിന്റെ ബോഗികള് വേർപെട്ടതായി റിപ്പോർട്ടുകള്.
ഗുരുവായൂർ – മധുര എക്സ്പ്രസ്സിന്റെ ബോഗികളാണ് വേർപ്പെട്ടതായി കണ്ടത്തിയത്. ന്യൂ ആര്യങ്കാവ് റെയില്വേ സ്റ്റേഷന് സമീപം ഉച്ചയ്ക്ക് മൂന്ന് മണിയോടെയായിരുന്നു സംഭവം നടന്നത്.
നിറയെ യാത്രക്കാരുമായി ഓടിക്കൊണ്ടിരിക്കെയാണ് ട്രെയിനില് നിന്ന് ബോഗികളാണ് വേർപെട്ടത്. ഓട്ടോമാറ്റിക് ബ്രേക് സിസ്റ്റം ഉണ്ടായിരുന്നതിനാല് വേർപെട്ട് മുന്നോട്ട് പോയ എഞ്ചിനോട് ചേർന്ന ഭാഗം അധികം ദൂരത്തല്ലാതെ നിന്നു.
ട്രെയിനിൻ്റെ മധ്യഭാഗത്ത് നിന്നാണ് ബോഗികള് തമ്മിലെ ബന്ധം വിച്ഛേദിക്കപ്പെട്ടത്.
പിന്നീട് റെയില്വെ സാങ്കേതിക വിഭാഗം ഒടുവില് ജീവനക്കാരെത്തി പ്രശ്നം പരിഹരിക്കുകയായിരുന്നു. അര മണിക്കൂറോളം ഈ ഭാഗത്ത് ട്രെയിൻ ഗതാഗതം തടസപ്പെടുകയും ചെയ്തിരുന്നു.
