പൂനെ: ഇംഗ്ലണ്ടിനെതിരായ ടി20 പരമ്പര സ്വന്തമാക്കി ഇന്ത്യ.
പൂനെ, മഹാരാഷ്ട്ര ക്രിക്കറ്റ് അസോസിയേഷന് സ്റ്റേഡിയത്തില് നടന്ന മത്സരത്തില് 15 റണ്സിനായിരുന്നു ഇന്ത്യയുടെ ജയം.
ടോസ് നഷ്ടപ്പെട്ട് ബാറ്റിംഗിനെത്തിയ ഇന്ത്യ നിശ്ചിത ഓവറില് ഒൻപത് വിക്കറ്റ് നഷ്ടത്തില് 181 റണ്സാണ് നേടിയത്.
ഇംഗ്ലണ്ടിന്റെ പോരാട്ടം 19.4 ഓവറില് 166 റണ്സില് അവസാനിച്ചു. ബൗളര്മാരുടെ മികവിലാണ് ഇന്ത്യ കളി തിരികെ പിടിച്ചത്.
കളി ആവേശകരമായിരുന്നു. അവസാന പന്ത് വരെ ജയ സാധ്യത രണ്ട് പക്ഷത്തേക്കും വന്നു.
53 റണ്സ് വീതം നേടിയ ഹാര്ദിക് പാണ്ഡ്യ, ശിവം ദുബെ എന്നിവരാണ് ഇന്ത്യയെ മികച്ച സ്കോറിലേക്ക് നയിച്ചത്. ശിവം ദുബെയ്ക്ക് പകരം കണ്കഷന് സബായി ഹര്ഷിത് റാണയെ പന്തെറിയാന് ഇറക്കിയതും നിര്ണായക നീക്കമായി.
