തിരുവനന്തപുരം: സംസ്ഥാനത്ത് റോഡ് അപകടങ്ങള് കുറക്കാൻ കർശന നടപടികളിലേക്ക് ഗതാഗത വകുപ്പ്.
സ്വകാര്യ ബസ് അപകടത്തില്പ്പെട്ട് ആളുകള് മരിക്കുന്ന സാഹചര്യമുണ്ടായാല് 6 മാസം പെർമിറ്റ് റദ്ദാക്കുമെന്ന് ഗതാഗത മന്ത്രി ഗണേഷ് കുമാർ അറിയിച്ചു.
അശ്രദ്ധമായി വണ്ടി ഓടിച്ച് പരിക്കേല്ക്കുന്ന സാഹചര്യമുണ്ടായാല് മൂന്ന് മാസം പെർമിറ്റ് റദ്ദാക്കും.
സ്വകാര്യ ബസ് ഡ്രൈവർമാർക്കും കണ്ടക്ടർമാർക്കും ക്ലീനർമാർക്കും പൊലീസ് ക്ലിയറൻസ് നിർബന്ധമാക്കുമെന്നും മന്ത്രി വ്യക്തമാക്കി. സ്വകാര്യ ബസ് ജീവനക്കാർക്കെതിരെ പരാതി പറയാൻ ഉടമകള് ബസില് നമ്പർ പ്രസിദ്ധീകരിക്കണം.
ബസുകളുടെ മത്സരയോട്ടം തടയാൻ ജിയോ ടാഗ് ചെയ്യും. ബസ് ഉടമകളുടെ സൊസെറ്റി ഇത് ചെയ്യണം.
പെർമിറ്റ് എടുത്തിരിക്കുന്ന സ്വകാര്യ ബസുകള് ലാസ്റ്റ് ട്രിപ്പ് നിർബന്ധമായി ഓടണം. ഒരു വണ്ടിയെങ്കിലും ഓടണം. ഇല്ലെങ്കില് പെർമിറ്റ് ക്യാൻസല് ചെയ്യണം. മാർച്ച് മാസത്തിനുള്ളില് ബസില് ക്യാമറ സ്ഥാപിക്കണം.
