കണ്ണൂര്: കണ്ണൂരില് സ്കൂള് ബസ് നിയന്ത്രണം വിട്ട് മറിഞ്ഞ് അപകടം.
കണ്ണൂര് വളക്കൈയില് ഇന്ന് വൈകിട്ട് നാലരയോടെയാണ് അപകടമുണ്ടായത്.
ബസിലുണ്ടായിരുന്ന 15 കുട്ടികള്ക്കാണ് പരിക്കേറ്റത്. ഇതില് ഒരു കുട്ടിയുടെ പരിക്ക് ഗുരുതരമാണ്.
ഗുരുതരമായി പരിക്കേറ്റ കുട്ടിയെ കണ്ണൂരിലേ ആശുപത്രിയിലേക്ക് മാറ്റി. മറ്റു കുട്ടികളെയും ആശുപത്രിയിലേക്ക് മാറ്റിയിട്ടുണ്ട്.
കണ്ണൂര് വളക്കൈ പാലത്തിന് സമീപത്ത് വെച്ചാണ് ബസ് നിയന്ത്രണം വിട്ട് മറിഞ്ഞത്. സ്കൂള് വിട്ടശേഷം കുട്ടികളുമായി പോകുന്ന ബസാണ് അപകടത്തില്പ്പെട്ടത്.
ചിന്മയ വിദ്യാലയത്തിലെ സ്കൂള് ബസാണ് അപകടത്തില്പ്പെട്ടത്. അപകടം നടന്ന ഉടനെ നാട്ടുകാര് ചേര്ന്നാണ് രക്ഷാപ്രവര്ത്തനം നടത്തിയത്. റോഡരികിലാണ് ബസ് മറിഞ്ഞ് വീണത്.
