കാന്താര സിനിമയിലെ ദൈവിക സങ്കല്പത്തെ അപമാനിച്ചെന്ന പരാതിയില് ബോളിവുഡ് നടന് റണ്വീര് സിംഗിന് കര്ണാടക ഹൈക്കോടതിയില് ആശ്വാസം. വീണ്ടും കേസ് പരിഗണിക്കുന്നത് വരെ അറസ്റ്റ് ചെയ്യരുതെന്ന് ഹൈക്കോടതി വ്യക്തമാക്കി. തനിക്കെതിരായ എഫ്ഐആര് റദ്ദ് ചെയ്യണമെന്ന് ആവശ്യപ്പെട്ട് റണ്വീര് സിംഗ് നല്കിയ ഹര്ജിയിലാണ് കോടതിയുടെ ഇടപെടല്. രണ്വീറിനെതിരായ പരാതി ഗൗരവമുള്ളതെന്ന് ജസ്റ്റിസ് നാഗപ്രസന്ന നിരീക്ഷിച്ചു. ഒരു സംസ്ഥാനത്തെ ജനതയുടെ വികാരങ്ങളെ ഹനിച്ചത് ശരിയായില്ലെന്നും വ്യക്തമാക്കി.
56മത് ഗോവ ഇന്റര്നാഷണല് ഫിലിം ഫെസ്റ്റിവല് വേദിയില് കാന്താര സിനിമയിലെ ദൈവീക സങ്കല്പത്തെ റണ്വീര് സിങ് പരിഹസിച്ചു എന്നാണ് കേസ്. ബിഎന്എസിലെ മതവികാരം വ്രണപ്പെടുത്തല് ഉള്പ്പെടെയുള്ള വകുപ്പുകള് ചേര്ത്താണ് എഫ്ഐആര് രജിസ്റ്റര് ചെയ്തത്. അതേസമയം, രണ്വീറിനെതിരായ പരാതി ഗൗരവമുള്ളതെന്ന് ജസ്റ്റിസ് നാഗപ്രസന്ന നിരീക്ഷിച്ചു. ഒരു സംസ്ഥാനത്തെ ജനതയുടെ വികാരങ്ങളെ ഹനിച്ചത് ശരിയായില്ലന്നും കോടതി വ്യക്തമാക്കി. മാര്ച്ച് 2നാണ് കേസില് വീണ്ടും വാദം കേള്ക്കുക.
