ആലപ്പുഴ: 2011- 16 വരെ ഒരു ദുരന്തവും കേരളത്തില് ഉണ്ടായില്ല.
എന്നാല് യുഡിഎഫ് ഭരണം എന്ന ദുരന്തമുണ്ടായെന്ന് പരിഹസിച്ച് മുഖ്യമന്ത്രി പിണറായി വിജയന്. നാഷണല് ഹൈവേ നിർമ്മാണത്തിനായി സ്ഥലം ഏറ്റെടുക്കാൻ യുഡിഎഫിന് കഴിഞ്ഞില്ല.എല്ഡിഎഫ് അത് നടപ്പാക്കി. യുഡിഎഫ് ഉം എല്ഡിഎഫ് ഉം തമ്മിലുള്ള വ്യത്യാസം ഇതാണ്. ഇപ്പോള് എല്ലാം ഭംഗിയായി നടക്കുന്നില്ലേയെന്നും അദ്ദേഹം ചോദിച്ചു.
സിപിഎം ആലപ്പുഴ ജില്ലാ സമ്മേളനത്തോടനുബന്ധിച്ചുള്ള പൊതുസമ്മേളനത്തില് സംസാരിക്കുകയായിരുന്നു അദ്ദേഹം.
ആലപ്പുഴയില് സിപിഎം കുതിച്ചുയരും. സമ്മേളനത്തിന്റെ പൊതു വികാരം അതായിരുന്നു. ആരോഗ്യപരമായ ചർച്ചകളാണ് സമ്മേളനത്തില് നടന്നത്.ഒരു തരത്തിലുമുള്ള അനാരോഗ്യ പ്രവണതയും സമ്മേളനത്തിലുണ്ടായില്ല.
സംഘടനയ്ക്ക് അഭിമാനിക്കാവുന്ന സമ്മേളനം ആണ് നടന്നത്.മുൻപ് പാർട്ടിക്കകത്ത് വിവിധ തരത്തില് ഉള്ള പ്രശ്നങ്ങള് ഉണ്ടായിരുന്നു
അത് വഴി വലതുപക്ഷ മാധ്യമങ്ങള് ഈ പാർട്ടിയെ തകർക്കാം എന്ന് മോഹിച്ചു നടന്നിരുന്നു.എന്നാല് തെറ്റായ പ്രവണത തിരുത്തി മുന്നോട്ട് പോകാൻ പാർട്ടിക്കായി.
