തിരുവനന്തപുരം : ഭരണവിരുദ്ധ വികാരം എന്ന പ്രചാരണം ജനങ്ങളെ ലവലേശം പോലും സ്വാധീനിച്ചിട്ടില്ല എന്നാണ് തിരഞ്ഞെടുപ്പ് ഫലം വ്യക്തമാക്കുന്നതെന്ന് മുഖ്യമന്ത്രി പിണറായി വിജയൻ പറഞ്ഞു നുണ പ്രചാരണം ജനങ്ങള് തള്ളിയെന്നും മുഖ്യമന്ത്രി ചൂണ്ടിക്കാട്ടി.
എല് ഡി എഫ് സർക്കാരിന്റെ ജനപിന്തുണയും അംഗീകാരവും കൂടുതല് ദൃഢമാക്കുന്നതാണ് നിയമസഭാ ഉപതിരഞ്ഞെടുപ്പ് ഫലങ്ങള്. സംഘടിതമായ കുപ്രചാരണങ്ങളെയും കടന്നാക്രമണങ്ങളെയും മുഖവിലയ്ക്കെടുക്കാതെയാണ് ജനങ്ങള് ചേലക്കര നിയോജക മണ്ഡലത്തില് എല്.ഡി.എഫിന് തിളങ്ങുന്ന വിജയം നല്കിയത്.
പാലക്കാട്ട് മുൻ തിരഞ്ഞെടുപ്പിലേതിനേക്കാള് കൂടുതല് വോട്ടർമാർ എല് ഡി എഫിനൊപ്പം അണിനിരന്നു. ഇനിയുള്ള നാളുകളില് വികസന ക്ഷേമ പ്രവർത്തനങ്ങള് കൂടുതല് ശക്തമായി മുന്നോട്ടുകൊണ്ടുപോകുന്നതിന് വർദ്ധിച്ച ഊർജ്ജം നല്കുന്നതാണ് ഈ ജനവിധിയെന്നും പിണറായി പറഞ്ഞു.
