കൊച്ചി : പെരിയ ഇരട്ടക്കൊലക്കേസില് 14 പ്രതികളും കുറ്റക്കാർ. കാസർകോട് പെരിയയിൽ യൂത്ത് കോൺഗ്രസ് പ്രവർത്തകരായ ശരത് ലാലും കൃപേഷും കൊല്ലപ്പെട്ട കേസിലെ പ്രതികൾക്കാണ് ശിക്ഷ വിധിച്ചത്.
1 മുതൽ 8 വരെയുള്ള പ്രതികൾക്കും 10, 15 പ്രതികൾക്കും ഇരട്ട ജീവപര്യന്തവും 14,20,21,22 പ്രതികൾക്ക് 5 വർഷം തടവും വിധിച്ച് കൊച്ചി സി ബി ഐ പ്രത്യേക കോടതി.
2019ലാണ് യൂത്ത് കോണ്ഗ്രസ് പ്രവർത്തകരായ കൃപേഷിനെയും(21), ശരത്ലാലിനെയും( 23) കൊലപ്പെടുത്തിയത്. ഉദുമ മുൻ എംഎല്എ കെവി കുഞ്ഞിരാമനടക്കം 14 പേർ കുറ്റക്കാരാണെന്ന് ഡിസംബർ 28നാണ് ജഡ്ജി എൻ ശേഷാദ്രിനാഥൻ വിധിച്ചത്. പത്തുപേരെ കുറ്റമുക്തരാക്കി.
ശിക്ഷ നേരിടേണ്ട പ്രതികളില് പത്ത് പേർക്കെതിരെ കൊലപാതകവും ഗൂഢാലോചനയും തെളിഞ്ഞിരുന്നു.
