കോട്ടയം: വലിയ ബുദ്ധിമുട്ടൊന്നുമില്ലാതെ, വളരെ എളുപ്പത്തില്, തയ്യാറാക്കാവുന്ന ഒനിയൻ ദോശ റെസിപ്പി.
ആവശ്യമായ ചേരുവകള്
ഗോതമ്ബ് പൊടി- 1 കപ്പ്
ഉപ്പ്- ആവശ്യത്തിന്
വെളിച്ചെണ്ണ- ഒരു ടീസ്പൂണ്
കടുക്- ഒരു നുള്ള്
ഉഴുന്നു പരിപ്പ്- 1 ടീസ്പൂണ്
പരിപ്പ് (ചന ദാല്)- ഒന്നര ടീസ്പൂണ്
കായപ്പൊടി- ഒരു നുള്ള്
സവാള- 1
ഇഞ്ചി- ഒരു കഷ്ണം
പച്ചമുളക്- 1
തക്കാളി- 1
കറിവേപ്പില
തയ്യാറാക്കുന്ന വിധം
ഒരു ബൗളില് ഗോതമ്ബ് പൊടി, ഉപ്പ് എന്നിവയെടുക്കുക. ഇതിലേക്ക് വെള്ളം ചേർത്ത് മാവ് പരുവമാക്കിയെടുക്കുക. ഒരു പാൻ എടുത്ത് അടുപ്പത്ത് വച്ച് ഇതിലേക്ക് ഒരു സ്പൂണ് വെളിച്ചെണ്ണ ഒഴിച്ച് ചൂടാക്കുക. കടുക് പൊട്ടിക്കുക. ശേഷം ഉഴുന്നു പരിപ്പ്, ചന ദാല്, കായപ്പൊടി എന്നിവ ചേർത്ത് ഗോള്ഡണ് ബ്രൗണ് ആകും വരെ വഴറ്റിയെടുക്കുക. പാനിലേക്ക് സവാള, ഇഞ്ചി അരിഞ്ഞത്, പച്ചമുളക്, തക്കാളി എന്നിവ അരിഞ്ഞ് ചേർക്കുക. കറിവേപ്പില, ഉപ്പ് എന്നിവ കൂടി ചേർത്ത് നന്നായി വഴറ്റിയെടുക്കുക.
സവാളയും തക്കാളിയുമൊക്കെ നന്നായി വഴന്നു കഴിഞ്ഞാല് സ്റ്റൗ ഓഫ് ചെയ്ത് ഈ കൂട്ട് തയ്യാറാക്കി വച്ച ഗോതമ്ബ് മാവിലേക്ക് ഒഴിക്കുക. അല്പ്പം മല്ലിയിലയും കൂടി മാവിലേക്ക് ചേർത്ത് നന്നായി ഇളക്കുക. ശേഷം ദോശച്ചട്ടി ചൂടാക്കി മാവ് ഒഴിച്ച് മീഡിയം തീയില് ഇരു വശവും മറിച്ചിട്ട് ചുട്ടെടുക്കാം. ദോശയ്ക്ക് മുകളിലായി അല്പ്പം വെളിച്ചെണ്ണ കൂടി തൂവി കൊടുക്കാം. ദോശ തയ്യാർ.
