ഡൽഹി: ലോകത്ത് മനുഷ്യന് ഇതുവരെ കണ്ടിട്ടില്ലാത്ത നിറമുണ്ടാകുമോ?
എന്നാല് അങ്ങനെയൊരു നിറമുണ്ട്. ഈ നിറം ആകെ കണ്ടിരിക്കുന്നത് വെറും അഞ്ച് പേർ മാത്രമാണ്.
കാലിഫോര്ണിയ സര്വകലാശാലയിലെ അഞ്ച് ശാസ്ത്രജ്ഞരാണ് അവർ. കണ്ണിലെ റെറ്റിനയിലുള്ള പ്രത്യേക കോശങ്ങളെ ലേസര് ഉപയോഗിച്ച് ഉത്തേജിപ്പിച്ചതിന് ശേഷമാണ് ഈ പുതിയ നിറത്തെ കാണാൻ ഇവർക്ക് സാധിച്ചത്.
‘oz’ എന്നാണ് റെറ്റിനയിലെ പ്രത്യേക കോശങ്ങളെ ഉത്തേജിപ്പിക്കുന്ന ഈ പുതിയ രീതിയെ ശാസ്ത്രജ്ഞർ വിളിക്കുന്നത്.
മനുഷ്യന്റെ കണ്ണിന് അതിന്റെ സ്വാഭാവിക പരിധിക്കപ്പുറം നിറങ്ങള് കാണാൻ പ്രോഗ്രാം ചെയ്യാൻ കഴിയുമെന്ന് തെളിയിക്കുകയാണ് പുതിയ പരീക്ഷണം.
കൂടാതെ കണ്ണിനെ ബാധിക്കുന്ന അസുഖങ്ങള്ക്ക് ചികിത്സ കണ്ടെത്താനും വര്ണാന്ധതയുടെ കാരണം കണ്ടെത്താനും ഈ പരീക്ഷണം സഹായിക്കും എന്നും പറയുന്നു. റെറ്റിനയെ ഉത്തേജിപ്പിക്കാന് ഉപയോഗിച്ചിരിക്കുന്ന ഉപകരണത്തിന് ഓസ് വിഷന് എന്നാണ് പേരിട്ടിരിക്കുന്നത്.
ഇന്നുവരെ നാം കാണാത്തതും അത്ര പെട്ടെന്നൊന്നും ഉണ്ടാക്കിയെടുക്കാന് സാധിക്കാത്തതുമായ ഒരു നിറമാണ് ഓളോ. അതിനാല് തന്നെ ഈ നിറം നിത്യജീവിതത്തിലേക്ക് ഉടൻ എത്താൻ വിദൂര സാധ്യത പോലും ഇല്ല. പീകോക്ക് ബ്ലൂ, ടീല് എന്നീ നിറങ്ങളെ പോലെ ഒരു നിറമാണ് ഓളോ എന്നാണ് ശാസ്ത്രജ്ഞർ അതിനെ വിശേഷിപ്പിക്കുന്നത്.
