മലപ്പുറം: ബുധനാഴ്ച മഞ്ചേരിയിലെ നവകേരള സദസ് വേദിയില് മുഖ്യമന്ത്രിയെ സ്വീകരിക്കാൻ നിയുക്തനായ എൻ.സി.സി കേഡറ്റ് ജിന്റോ കൈ വീശുന്നതിനിടെ അബദ്ധത്തില് മുഖ്യമന്ത്രിയുടെ കണ്ണില് ഇടിച്ചിരുന്നു. കണ്ണടച്ച് സീറ്റിലിരുന്ന മുഖ്യമന്ത്രിയെ വേദിയില് വച്ചുതന്നെ ജിന്റോ പരിചരിച്ചു.
എൻ.സി.സി കേഡറ്റിന്റെ കൈതട്ടി മുഖ്യമന്ത്രി അസ്വസ്ഥനായെന്ന് സോഷ്യല്മീഡിയയിലടക്കം വാര്ത്തകള് പരന്നു. ഇതുകണ്ട് വിഷമിച്ച ജിന്റോ മുഖ്യമന്ത്രിയെ കാണണമെന്ന് താത്പര്യപ്പെട്ടു. നവകേരള സദസിന്റെ ഭാഗമായി ഇന്നലെ നിലമ്ബൂര് നിയോജക മണ്ഡലത്തിലെത്തിയപ്പോള് പി.വി.അൻവര് എം.എല്.എയുടെ വസതിയില് കൂടിക്കാഴ്ചയ്ക്ക് അവസരം ലഭിക്കുകയായിരുന്നു.
സംഭവം ദിവസം തന്നെ മുഖ്യമന്ത്രിയുടെ നിര്ദ്ദേശപ്രകാരം ഓഫീസില് നിന്ന് ജിന്റോയെ വിളിച്ച് ആശ്വസിപ്പിച്ചിരുന്നു. മഞ്ചേരി ബോയ്സ് എച്ച്.എസ്.എസിലെ എട്ടാം ക്ലാസ് വിദ്യാര്ത്ഥിയാണ് ജിന്റോ.
