കോട്ടയത്ത് ചക്കയിടാന്‍ കയറിയ മധ്യവയസ്‌കന്‍ പ്ലാവില്‍ നിന്ന് വീണ് മരിച്ചു

കോട്ടയം: ചക്കയിടാന്‍ കയറിയ മധ്യവയസ്‌കന്‍ പ്ലാവില്‍ നിന്ന് വീണ് മരിച്ചു.

ചോലത്തടം സ്വദേശി സജി പാലവിള(53)യാണ് മരിച്ചത്.

കോട്ടയം പാലായിലെ പൂവത്തോട് ഇന്ന് വൈകിട്ടാണ് സംഭവം. പ്ലാവില്‍ നിന്ന് കാല് തെന്നി വീഴുകയായിരുന്നു.

ഭരണങ്ങാനത്തെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. മൃതദേഹം ആശുപത്രിയില്‍. പോസ്റ്റുമോര്‍ട്ടത്തിന് ശേഷം കുടുംബത്തിന് വിട്ടുനല്‍കും.