തിരുവനന്തപുരം: കേരളത്തില് വീണ്ടും വേനല്ച്ചൂട് വർധിക്കുന്നതായി റിപ്പോർട്ടുകള്.
ഈ മാസം പകുതി പോലും ആകുന്നതിന് മുന്നേ കേരളത്തില് ഉയർന്ന താപനില മുന്നറിയിപ്പ് പുറത്തുവിട്ടിരിക്കുകയാണ്. അടുത്ത രണ്ട് ദിവസം കേരളത്തില് താപനില ഉയരാൻ സാധ്യത എന്നാണ് കേന്ദ്ര കാലാവസ്ഥാ വകുപ്പ് മുന്നറിയിപ്പ് നല്കിയിരിക്കുന്നത്. ചില ഒറ്റപ്പെട്ടയിടങ്ങളില് സാധാരണയെക്കാള് 2 °C മുതല് 3 °C വരെ താപനില ഉയർന്നേക്കുമെന്നും അറിയിപ്പില് വ്യക്തമാക്കുന്നു.
ഉയർന്ന താപനിലയും ഈർപ്പമുള്ള വായുവും കാരണം ചൂടും അസ്വസ്ഥതയുമുള്ള കാലാവസ്ഥയ്ക്ക് സാധ്യത ഉണ്ട്. സംസ്ഥാനത്ത് ഉയർന്ന ചൂട് റിപ്പോർട്ട് ചെയ്യപ്പെടുന്ന സാഹചര്യത്തില് പൊതുജനങ്ങള് ജാഗ്രതാ നിർദേശങ്ങള് പാലിക്കണമെന്നും മുന്നറിയിപ്പില് പറയുന്നു.
