തിരുവനന്തപുരം: സംസ്ഥാനത്ത് വരും ദിവസങ്ങളിലും മഴ തുടരുമെന്ന് മുന്നറിയിപ്പ്.
മദ്ധ്യ കിഴക്കൻ അറബിക്കടലിനു മുകളില് ചക്രവാത ചുഴി സ്ഥിതിചെയ്യുന്നുണ്ട്.
ഇത് അടുത്ത 12 മണിക്കൂറിനുള്ളില് ന്യൂനമർദ്ദമായി ശക്തി പ്രാപിക്കുകയും തുടർന്നുള്ള ദിവസങ്ങളില് ഇന്ത്യൻ തീരത്തു നിന്ന് അകന്നു പോകാനും സാദ്ധ്യതയുണ്ടെന്നാണ് വിവരം.
വടക്കൻ ആൻഡമാൻ കടലിനു മുകളില് ഒക്ടോബർ 20 ഓടെ ചക്രവാതചുഴി രൂപപ്പെടാൻ സാദ്ധ്യതയുണ്ട്. ഒക്ടോബർ 22 ഓടെ മദ്ധ്യ ബംഗാള് ഉള്ക്കടലിനു മുകളില് ന്യൂനമർദ്ദമായും തുടർന്ന് ഒക്ടോബർ 24 ഓടുകൂടി തീവ്രന്യൂനമർദ്ദമായും ശക്തി പ്രാപിക്കാൻ സാദ്ധ്യത.
കേരളത്തില് അടുത്ത ഒരാഴ്ച നേരിയ-ഇടത്തരം മഴക്കു സാദ്ധ്യത. അടുത്ത 3 മണിക്കൂറില് കേരളത്തിലെ പാലക്കാട്, മലപ്പുറം, കോഴിക്കോട് ജില്ലകളില് ഒറ്റപ്പെട്ടയിടങ്ങളില് നേരിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
