കണ്ണൂർ: നിയമസഭാ തെരഞ്ഞെടുപ്പിലെ സ്ഥാനാർത്ഥി സാധ്യത ലിസ്റ്റില് കെ കെ ശൈലജക്ക് അതൃപ്തിയെന്ന് വിവരം.
കണ്ണൂരിലെ മട്ടന്നൂർ മണ്ഡലത്തില് മത്സരിക്കാൻ അവസരം ലഭിച്ചില്ലെങ്കില് മത്സരിക്കാൻ താല്പ്പര്യമില്ലെന്ന നിലപാടിലാണ് കെ കെ ശൈലജ.
ഇക്കാര്യം സിപിഎം സംസ്ഥാന നേതൃത്വത്തെ അറിയിച്ചതായാണ് വിവരം. അതേസമയം, ശൈലജയെ വെട്ടാനാണ് സംസ്ഥാന നേതൃത്വത്തിന്റെ തീരുമാനം.
5 വട്ടം മത്സരിച്ചതിനാല് ശൈലജ മത്സരിക്കേണ്ടെന്ന നിലപാടിലാണ് നേതാക്കള്. മട്ടന്നൂരല്ലെങ്കില് ശൈലജയെ പേരാവൂരില് പരിഗണിക്കാനായിരുന്നു സാധ്യത.
