കോട്ടയം: വേനല്ക്കാലത്താണ് അധികവും വീടുകളില് ചിതല് വരാറുള്ളത്. ചൂടും ഈർപ്പവും കലർന്ന അന്തരീക്ഷമായതിനാല് ചിതല് എളുപ്പത്തില് വരുന്നു.
ഇവ കാഴ്ച്ചയില് ചെറുതാണെങ്കിലും ചിതല് കാരണം വീടിന് സാരമായ രീതിയില് കോട്ടങ്ങള് സംഭവിക്കാം. ഈ കാര്യങ്ങള് ശ്രദ്ധിച്ചാല് ചിതലിനെ ഓടിക്കാൻ സാധിക്കും.
ചിതല്നാശിനി ഉപയോഗിക്കാം
വീട്ടില് ചിതല് വന്നാല് കീടനാശിനി ഉപയോഗിച്ച് അതിനെ നശിപ്പിക്കുക എന്നതാണ് ആദ്യം ചെയ്യേണ്ടത്. ചിതല് പുറ്റിലേക്ക് കീടനാശിനി ഒഴിച്ച് കൊടുത്താല് അത് നശിച്ചുപോകുന്നു. ചില സന്ദർഭങ്ങളില് വീട് തുരക്കേണ്ടതായും വരാറുണ്ട്.
നാശിനികള് ഉപയോഗിക്കാൻ താല്പര്യമില്ലാത്തവരാണ് നിങ്ങള് എങ്കില് പ്രകൃതിദത്തമായ മാർഗ്ഗങ്ങള് സ്വീകരിക്കാവുന്നതാണ്. അവ എന്തൊക്കെയാണെന്ന് അറിഞ്ഞാലോ.
ഓറഞ്ച് ഓയില്
ഓറഞ്ച് ഓയിലില് ഡി-ലിമോണീൻ അടങ്ങിയിട്ടുണ്ട്. ഇത് ചിതലുകള് വിഷമാണ്. അതുകൊണ്ട് തന്നെ ഇത് ഉപയോഗിച്ചാല് ചിതല് എളുപ്പത്തില് നശിച്ചുപോകും. ഡ്രൈവുഡ് ചിതലുകള്ക്കാണ് ഇത് കൂടുതല് അനുയോജ്യം.
വിനാഗിരി
പ്രകൃതിദത്തമായ അണുനാശിനിയാണ് വിനാഗിരി. കൂടാതെ വിനാഗിരി ഉപയോഗിച്ച് ചിതലുകളെയും എളുപ്പത്തില് ഓടിക്കാൻ സാധിക്കും. ഒരേ അളവില് വിനാഗിരിയും വെള്ളവും ചേർത്ത മിശ്രിതം ഒരു സ്പ്രേ ബോട്ടിലിലാക്കി ചിതലുള്ള ഭാഗത്ത് അടിച്ചാല് മതി.
ബൊറാക്സ്
ഫർണിച്ചറുകളിലാണ് ചിതലുള്ളതെങ്കില് ഇത്രയും ചെയ്താല് മതി. ഒരു സ്പൂണ് ബൊറാക്സ് പൊടി 250 എംഎല് ചെറുചൂടുവെള്ളത്തില് കലർത്തിയതിന് ശേഷം ചിതലുള്ള ഭാഗത്ത് സ്പ്രേ ചെയ്ത് കൊടുക്കാം. ബൊറാക്സ് ഉപയോഗിക്കുമ്പോള് മാസ്ക് ധരിക്കാൻ മറക്കരുത്.
സൂര്യപ്രകാശം
ചിതല് ഉണ്ടായ ഫർണിച്ചറുകള് സൂര്യപ്രകാശമേല്ക്കുന്ന സ്ഥലത്ത് വയ്ക്കാം. കുറഞ്ഞത് 3 ദിവസമെങ്കിലും സൂര്യപ്രകാശം കിട്ടേണ്ടതുണ്ട്. ഇത് ചിതലുകളെ എളുപ്പത്തില് നശിപ്പിക്കാൻ സഹായിക്കുന്നു.
ഈർപ്പം നിയന്ത്രിക്കാം
ചിതലുകള് ഈർപ്പത്തെ എളുപ്പത്തില് ആകർഷിക്കുന്നു. അതിനാല് തന്നെ ഫർണിച്ചറുകള് തുടക്കുമ്ബോള് വെള്ളം ഉപയോഗിക്കാതെ ഉണങ്ങിയ മൈക്രോഫൈബർ തുണി ഉപയോഗിച്ച് വൃത്തിയാക്കുക. കൂടാതെ വീട്ടില് ആവശ്യത്തിന് വായു സഞ്ചാരമുണ്ട് ഉറപ്പ് വരുത്തുകയും ചെയ്യണം.
