തിരുവനന്തപുരം: സംസ്ഥാനത്ത് ഷവര്മ കടകളില് ഭക്ഷ്യസുരക്ഷാ വകുപ്പിന്റെ വ്യാപക പരിശോധന.
റെയ്ഡില് 52 ഷവര്മ കടകളിലെ വില്പന നിർത്തിവയ്പ്പിച്ചു.
കൃത്യമായ മാനദണ്ഡങ്ങള് പാലിക്കാതെ ഷവര്മ്മ വില്പന നടത്തിയ കടകള്ക്കെതിരെ ആണ് നടപടി.
കൂടാതെ 164 ഷവർമ കടകള്ക്ക് നോട്ടീസും നല്കി. ശക്തമായ പരിശോധനകള് ഇനിയും തുടരുമെന്നാണ് ആരോഗ്യമന്ത്രി വീണാ ജോര്ജ് അറിയിച്ചു.
47 സ്ക്വാഡുകളുടെ നേതൃത്വത്തില് ആകെ 512 കടകളിലാണ് റെയ്ഡ് നടന്നത്. 52 കടകളില് വില്പന നിര്ത്തി വയ്പിച്ചതിന് പുറമെ 108 സ്ഥാപനങ്ങള്ക്ക് കോമ്പൗണ്ടിംഗ് നോട്ടീസും 56 സ്ഥാപനങ്ങള്ക്ക് റെക്ടിഫിക്കേഷന് നോട്ടീസുമാണ് നല്കിയിരിക്കുന്നത്. പാഴ്സല് നല്കുമ്പോള് ലേബലിംഗ് നടത്താത്ത സ്ഥാപനങ്ങള്ക്കെതിരെയും നടപടിയുണ്ടായിട്ടുണ്ട്.
