കോട്ടയം: ജലദോഷവും ചുമയും സാധാരണമായ ഒരു രോഗമാണ്. പ്രത്യേകിച്ച്, കാലാവസ്ഥ മാറ്റങ്ങളോ തണുപ്പ് കൂടുതലുള്ള മാസങ്ങളില് ഇത് സർവ സാധാരണമാണ്.
ഇവ മരുന്നുകള് ഉപയോഗിച്ച് ഇത്തരം രോഗങ്ങള് മാറ്റാൻ കഴിയുമെങ്കിലും, ശരീരത്തിന് ദോഷം വരുത്താത്തതും പാർശ്വഫലങ്ങള് ഇല്ലാത്തതുമായ പ്രകൃതിദത്ത പരിഹാരങ്ങളാണ് പലരും ഇഷ്ടപ്പെടുന്നത്. ഇതിനായി അടുക്കളയില് സാധാരണയായി ഉപയോഗിക്കുന്ന മൂന്ന് ചേരുവകള് മാത്രമേ ആവശ്യമുള്ളൂ: തേൻ, ഇഞ്ചി, നാരങ്ങ. ഈ ചേരുവകള് ഒരുമിച്ച് ഉപയോഗിച്ച് ജലദോഷവും ചുമയും അകറ്റാൻ സാധിക്കും.
ചേരുവകള്
1 ടേബിള് സ്പൂണ് തേൻ
1 ടീസ്പൂണ് ഇഞ്ചി നീര്
1 ടീസ്പൂണ് നാരങ്ങ നീര്
തയ്യാറാക്കുന്ന വിധം
മൂന്ന് ചേരുവകളും ഒരുമിച്ച് ഒരു പാത്രത്തിലേക്ക് മാറ്റി നന്നായി മിക്സ് ചെയ്യുക. ഈ മിശ്രിതം ദിവസത്തില് രണ്ടോ മൂന്നോ തവണ കഴിക്കുക, പ്രത്യേകിച്ച് രാവിലെയും ഉറങ്ങുന്നതിനുമുമ്ബും. അല്ലെങ്കില് ഒരു കപ്പ് ചെറുചൂടുള്ള വെള്ളത്തില് കലർത്തിയോ ഹെർബല് ടീ തയ്യാറാക്കിയോ കുടിക്കാം.
ഈ പ്രതിവിധി പൊതുവെ സുരക്ഷിതമാണെങ്കിലും, ഒരു വയസ്സിന് താഴെയുള്ള കുട്ടികള്ക്ക് അനുയോജ്യമല്ല. ആസിഡ് റിഫ്ലക്സ് അല്ലെങ്കില് ഏതെങ്കിലും ചേരുവകളോട് അലർജി ഉള്ള ആളുകള് ഉപയോഗിക്കുന്നതിന് മുൻപ് ഒരു ആരോഗ്യ വിദഗ്ധനുമായി കൂടിയാലോചിക്കുക.
