പാലക്കാട്: ശബരിമല തീർത്ഥാടകർ സഞ്ചരിച്ച ബസ് മറിഞ്ഞ് പതിനഞ്ചോളം പേർക്ക് പരിക്കേറ്റു.
പാലക്കാട് വടക്കഞ്ചേരി ദേശീയപാതയില് അഞ്ചുമൂർത്തി മംഗലത്താണ് സംഭവം. ഇക്കഴിഞ്ഞ രാത്രി പന്ത്രണ്ടരയോടെയാണ് അപകടം ഉണ്ടായത്.
തമിഴ്നാട് തിരുത്തണി ഭാഗത്ത് നിന്നും ശബരിമല ദർശനത്തിന് പോകുന്ന തീർത്ഥാടക സംഘമാണ് അപകടത്തില്പ്പെട്ടത്.
ഇരുപത്തഞ്ചോളം യാത്രക്കാരാണ് വാഹനത്തില് ഉണ്ടായിരുന്നത്.
പരിക്കേറ്റവരെ ആലത്തൂരിലെ സ്വകാര്യ ആശുപത്രിയില് പ്രവേശിപ്പിച്ചു. ആരുടെയും നില ഗുരുതരമല്ലെന്നാണ് വിവരം.
