തിരുവനന്തപുരം: ലോക്സഭാ തെരഞ്ഞെടുപ്പില് കേരളത്തില് താമര വിരിഞ്ഞതിനും ബിജെപിയ്ക്ക് വോട്ട് വർദ്ധനവ് ഉണ്ടായതിലും കെ സുരേന്ദ്രനെ പ്രശംസിച്ച് ബിജെപി.
കേരളത്തില് ബിജെപിയുടെ വിജയശില്പി സംസ്ഥാന അധ്യക്ഷന് കെ. സുരേന്ദ്രനെന്ന് പാര്ട്ടിനേതൃത്വം പറയുന്നത്.
ബിജെപിയുടെ കേരളത്തിലെ എക്കാലത്തെയും മികച്ച പ്രകടനത്തിനും പിന്നില് കെ സുരേന്ദ്രനെന്ന കരുത്തനായ നേതാവിന്റെ സംഘാടകമികവുണ്ടെന്ന് പാർട്ടി ഔദ്യോഗിക ഫേസ്ബുക്ക് പേജില് പങ്കുവച്ചു കുറിപ്പില് പറയുന്നു.
പാർട്ടിയിലെ പ്രവർത്തകരെ ഏകോപിപ്പിച്ചുകൊണ്ട് താഴേത്തട്ടില്വരെ നീളുന്ന പ്രചാരണപ്രവർത്തനങ്ങള് കാര്യക്ഷമമായി നടത്താൻ സുരേന്ദ്രന് സാധിച്ചെന്ന് കുറിപ്പില് പറയുന്നു.
കേരളത്തില് ബിജെപിയെ പരാജയപ്പെടുത്തുന്നതിനായി കോണ്ഗ്രസ് – കമ്മ്യൂണിസ്റ്റ് സഖ്യം നടത്തിയ നിരന്തര ശ്രമങ്ങളില് തന്റെ പാർട്ടി കാര്യകർത്താക്കള് തളരാതിരിക്കുവാൻ അവരെ മുന്നില് നിന്നു നയിച്ച്, ഏവർക്കും പ്രചോദനവും വിജയപ്രതീക്ഷയും നല്കിയത് കെ. സുരേന്ദ്രനാണ്.
