നാളെ രാത്രി 12 മണി വരെ സംസ്ഥാനത്തെ ബാറുകൾക്ക് പ്രവർത്തിക്കാൻ അനുമതി നൽകി. പുതുവത്സരാഘോഷം കണക്കിലെടുത്താണ് നാളെ രാത്രി 12 മണി വരെ ബാറുകൾക്ക് പ്രവർത്തന അനുമതി സർക്കാർ നൽകിയത്. ബിയർ വൈൻ പാർലറുകൾക്കും പ്രവർത്തിക്കാം. പുതുവത്സരാഘോഷം പരിഗണിച്ചാണ് സർക്കാർ പ്രവർത്തന സമയം നീട്ടി നൽകിയത്. ഇളവ് സംബന്ധിച്ച് സര്ക്കാര് ഉത്തരവിറക്കി. ബാറുടമകളുടെ ആവശ്യം അംഗീകരിച്ചാണ് ഇത്തരം ഒരു തീരുമാനം ഉണ്ടായിരിക്കുന്നത്. സംസ്ഥാനത്ത് ആദ്യമായാണ് പുതുവത്സരാഘോഷങ്ങള്ക്കായി ബാറുകളുടെ പ്രവര്ത്തന സമയം ദീര്ഘിപ്പിക്കുന്നത്. എന്നാല് ബിവറേജസ് കോര്പ്പറേഷന്റെ ഔട്ടലെറ്റുകളുടെ പ്രവര്ത്തന സമയത്തില് മാറ്റമില്ല. ഒന്പതു മണി വരെയാകും ഔട്ട് ലെറ്റുകള് പ്രവര്ത്തിക്കുക.
രാവിലെ 10 മണി മുതല് രാത്രി 11 വരെയാണ് ബാറുകളുടെ സംസ്ഥാനത്തെ പ്രവര്ത്തന സമയം. വിവിധ ബാറുകള് പുതുവത്സരം പ്രമാണിച്ച് വലിയ ആഘോഷങ്ങള് ഒരുക്കിയിട്ടുണ്ട്. അതിനാലാണ് പ്രവര്ത്തന സമയം നീട്ടണം എന്ന് ബാറുടമകള് ആവശ്യപ്പെട്ടത്. ഇതേ തുടർന്നാണ് ഒരു മണിക്കൂർ കൂടി ബാറുകൾക്ക് പ്രവർത്തിക്കാൻ അനുമതി നൽകിയിരിക്കുന്നത്.
