കൊച്ചി: നടൻ സിദ്ദിഖിന്റെ മൂത്ത മകൻ റാഷിൻ അന്തരിച്ചു. 37 വയസായിരുന്നു. ഇന്ന് രാവിലെ കൊച്ചിയിലെ സ്വകാര്യ ആശുപത്രിയിൽ വച്ചായിരുന്നു അന്ത്യം.
കബറടക്കം വൈകിട്ട് നാല് മണിക്ക് പടമുകൾ പള്ളിയിൽ. സഹോദരങ്ങൾ: ഫര്ഹീന്, ഷഹീൻ സിദ്ദിഖ്.
സാപ്പി എന്നാണ് റാഷിനെ അടുപ്പമുള്ളവർ വിളിക്കുന്നത്. സാപ്പിക്കൊപ്പമുള്ള ചിത്രങ്ങളും വീഡിയോയുമൊക്കെ സിദ്ദിഖും മകനും നടനുമായ ഷഹീൻ സിദ്ദിഖുമൊക്കെ സോഷ്യൽ മീഡിയയിൽ പങ്കുവയ്ക്കാറുണ്ടായിരുന്നു.
റാഷിന്റെ മാതാവ് നേരത്തെ മരിച്ചിരുന്നു.
