തിരുവനന്തപുരം: രണ്ടാം വർഷ ഹയർ സെക്കൻഡറി, വൊക്കേഷണല് ഹയർ സെക്കൻഡറി പരീക്ഷാഫലം പ്രഖ്യാപിച്ചു.
റഗുലർ വിഭാഗത്തില് 3,74, 755 പേരാണ് പ്ളസ് ടു പരീക്ഷയെഴുതിയത്.
ഇതില് 2,94,888 പേർ ഉപരിപഠനത്തിന് യോഗ്യത നേടി. 78.69 ആണ് വിജയശതമാനം.
മുൻവർഷമിത് 82.95 ശതമാനമായിരുന്നു. കഴിഞ്ഞ വർഷത്തെ അപേക്ഷിച്ച് 4.26 ശതമാനം കുറവാണ്.
പരീക്ഷയെഴുതിയവരില് 1,81, 466 പേർ ആണ്കുട്ടികളും 1,93, 289 പേർ പെണ്കുട്ടികളുമാണ്. സയൻസ് ഗ്രൂപ്പില് നിന്ന് 1,89,411 പേർ പരീക്ഷയെഴുതിയവരില് 1,60,696 പേർ ഉപരിപഠനത്തിന് അർഹരായി. 84.84 ആണ് വിജയശതമാനം. ഹ്യുമാനിറ്റീസ് ഗ്രൂപ്പില് 76,235 പരീക്ഷയെഴുതിയതില് 51,144 പേർ ഉപരിപഠനത്തിന് യോഗ്യരായി. 67.09 ആണ് വിജയശതമാനം. കൊമേഴ്സില് 1,09,109 പേർ പരീക്ഷയെഴുതിയതില് 83,048 പേർ ഉപരിപഠനത്തിന് യോഗ്യരായി. 76.11 ആണ് വിജയശതമാനം.
സർക്കാർ സ്കൂളുകളില് നിന്ന് 1,63, 920 പേർ പരീക്ഷയെഴുതിയതില് 1,23,046 പേർ ഉപരിപഠനത്തിന് യോഗ്യരായി. 75.06 ആണ് വിജയശതമാനം. എയ്ഡഡ് സ്കൂളുകളില് നിന്ന് 1,84,490 പേർ പരീക്ഷയെഴുതിയതില് 1,52,147 പേർ ഉപരിപഠനത്തിന് യോഗ്യരായി. 82.47 ആണ് വിജയശതമാനം.
അണ് എയിഡഡ് വിഭാഗത്തില് 26, 071 പേർ പരീക്ഷയെഴുതിയതില് 19,425 പേർ ഉപരിപഠനത്തിന് യോഗ്യത നേടി. 74.51 ആണ് വിജയശതമാനം. സ്പെഷ്യല് സ്കൂള് വിഭാഗത്തില് 274 പേർ പരീക്ഷയെഴുതിയതില് 270 പേർ ഉപരിപഠനത്തിന് യോഗ്യത നേടി. 98.54 ആണ് വിജയശതമാനം. റെഗുലർ ഹയർ സെക്കൻഡറി വിഭാഗത്തില് 39,242 വിദ്യാർത്ഥികള് എല്ലാ വിഷയങ്ങള്ക്കും എ പ്ളസ് നേടി. കഴിഞ്ഞവർഷമിത് 33,815 ആയിരുന്നു.
