മുംബൈ: ടി20 ലോകകപ്പിന്റെ രണ്ടാം സെമിയില് ഇന്ത്യക്കെതിരെ ഇംഗ്ലണ്ടിന് 254 റണ്സ് വിജയലക്ഷ്യം.
ടോസ് നഷ്ടമായി ആദ്യം ബാറ്റ് ചെയ്ത മലയാളി താരം സഞ്ജു സാംസണിന്റെ വെടിക്കെട്ട് അര്ധസെഞ്ചുറിയുടെ കരുത്തില് 20 ഓവറില് 7 വിക്കറ്റ് നഷ്ടത്തില് 253 റണ്സെടുത്തു.
ടി20 ലോകകപ്പ് ചരിത്രത്തില് നോക്കൗട്ട് മത്സരങ്ങളിലെ ഏറ്റവും ഉയര്ന്ന വിജയലക്ഷ്യമാണിത്. 42 പന്തില് 89 റണ്സെടുത്ത സഞ്ജുവാണ് ഇന്ത്യയുടെ ടോപ് സ്കോറര്.
ശിവം ദുബെ 25 പന്തില് 43 റണ്സെടുത്തപ്പോള് ഇഷാന് കിഷന് 18 പന്തില് 39ഉം ഹാര്ദ്ദിക് പാണ്ഡ്യ 12 പന്തില് 27ഉം തിലക് വര്മ 7 പന്തില് 21ഉം റണ്സെടുത്തു.
ക്യാപ്റ്റൻ സൂര്യകുമാര് യാദവും(6 പന്തില് 11), അഭിഷേക് ശര്മയും(7 പന്തില് 9) ഒരിക്കല് കൂടി നിരാശപ്പെടുത്തി. ഇംഗ്ലണ്ടിനായി വില് ജാക്സ് രണ്ട് വിക്കറ്റെടുത്തു. ഇന്ത്യക്ക് ഏറ്റവും കൂടുതല് ഭീഷണിയാവുമെന്ന് കരുതിയ ജോഫ്ര ആര്ച്ചർ നാലോവറില് 61 റണ്സ് വഴങ്ങി ഒരു വിക്കറ്റെടുത്തു.
