തൃശ്ശൂർ: തൃശ്ശൂർ പഴുവില് യുവതിയെ വീട്ടിനുള്ളില് പൊള്ളലേറ്റ് മരിച്ച നിലയില് കണ്ടെത്തി. പഴുവില് വെസ്റ്റ് വലിയകത്ത് സുല്ഫത്ത് (38) ആണ് മരിച്ചത്. ഇന്നലെ വൈകിട്ട് ആറ് മണിയോടെയാണ് സംഭവം.
വീട്ടിലെ അടുക്കളയിലാണ് മൃതദേഹം കണ്ടെത്തിയത്. സമീപത്ത് ഒഴിഞ്ഞ മണ്ണെണ്ണക്കുപ്പിയും ഉണ്ടായിരുന്നു. തൃപ്രയാറില് തയ്യല് കട നടത്തുകയാണ് സുല്ഫത്ത്. വീട്ടിലിരുന്ന് തുന്നിയ വസ്ത്രങ്ങള് കടയില് നല്കാന് ഭർത്താവ് മകളും പോയതിനാല് സംഭവസമയത്ത് വീട്ടില് മറ്റാരും ഉണ്ടായിരുന്നില്ല.
തുന്നിയ വസ്ത്രം വാങ്ങാൻ വീട്ടിലെത്തിയ അയല്വാസി വിളിച്ചിട്ട് വാതില് തുറക്കാതിരുന്നതിനെ തുടർന്ന് ബന്ധുക്കളെ വിവരമറിയിക്കുകയായിരുന്നു.
നാട്ടുകാർ അടുക്കള ഭാഗത്തെ വാതില് ബലം പ്രയോഗിച്ച് തുറന്ന് അകത്ത് എത്തിയപ്പോള് കത്തിക്കരിഞ്ഞ നിലയില് മൃതദേഹം കണ്ടത്. സമീപത്ത് നിന്ന് ഒഴിഞ്ഞ മണ്ണെണ്ണക്കുപ്പിയും കണ്ടെടുത്തു.
ഇന്ന് പോസ്റ്റ്മോര്ട്ടം നടതിയതിനു ശേഷമേ കൂടുതല് വിവരങ്ങള് ലഭ്യമാകൂ എന്നാണ് പൊലീസ് വ്യക്തമാക്കുന്നത്. അസ്വാഭാവിക മരണത്തിന് കേസെടുത്തതായി പൊലീസ് അറിയിച്ചു.
