കോട്ടയം: യുഡിഎഫ് പ്രവേശന ചർച്ചകള് തള്ളി കേരള കോണ്ഗ്രസ് എം നേതൃത്വം.
എല്ഡിഎഫ് വിടേണ്ട സാഹചര്യം ഇല്ലെന്ന് ജോസ് കെ മാണി പാർട്ടി നേതാക്കളെ അറിയിച്ചു എന്നാണ് വിവരം. യുഡിഎഫ് അപമാനിച്ച് ഇറക്കിവിട്ടതാണെന്ന് ഓർമ്മിപ്പിച്ചായിരുന്നു ജോസ് കെ മാണിയുടെ പ്രതികരണം.
നിലവിലെ ചർച്ചകളില് കഴമ്പില്ലെന്ന് അണികളെയും ബോധ്യപ്പെടുത്തും. തെരഞ്ഞെടുപ്പ് പരാജയം ഉണ്ടായാല് മുന്നണി വിടില്ലെന്ന് കേരള കോണ്ഗ്രസ് എം ജനറല് സെക്രട്ടറി സ്റ്റീഫൻ ജോർജും പ്രതികരിച്ചു.
മുന്നണി വിടാൻ ആയിരുന്നെങ്കില് നേരത്തെ ആകാമായിരുന്നു. തെരഞ്ഞെടുപ്പ് പരാജയം ഉണ്ടായാല് മുന്നണി വിടുന്ന രീതി നിലവില് ഇല്ലെന്നും സ്റ്റീഫൻ ജോർജ് കൂട്ടിച്ചേർത്തു.
