സ്വന്തം ലേഖകൻ
കൊല്ലം : കൊല്ലം ഓയൂരില് ആറുവയസുകാരിയെ തട്ടിക്കൊണ്ടു പോയ കേസില് പ്രതിയെന്ന് സംശയിക്കുന്ന യുവതിയുടെ രേഖാ ചിത്രം പുറത്ത് വിട്ടു.
കൊല്ലം കണ്ണനല്ലൂരിലുള്ള ഒരു വീട്ടിലെ കുട്ടി നല്കിയ വിവരം അനുസരിച്ചാണ് പൊലീസ് രേഖാചിത്രം തയാറാക്കിയത്. കഴിഞ്ഞദിവസം കുട്ടിയെ കണ്ടെത്തിയ മൂന്ന് വിദ്യാര്ത്ഥിനികള് പ്രതിയെന്ന് സംശയിക്കുന്ന യുവതിയെ കണ്ടിരുന്നു.
ഈ മൂന്ന് വിദ്യാര്ത്ഥിനികളുടെ മൊഴി പ്രകാരം പുതിയ രേഖാ ചിത്രം തയാറാക്കും. പ്രതികള് ജില്ല വിട്ടിട്ടില്ലെന്നാണ് പൊലീസ് പറയുന്നത്. അതേസമയം പ്രതികള്ക്ക് പുറത്തുനിന്ന് സഹായം ലഭിച്ചിട്ടുണ്ട്. പ്രതികളുടെ ലക്ഷ്യം സാമ്ബത്തികം മാത്രമായിരുന്നില്ല. തട്ടിക്കൊണ്ടുപോകലിന് പിന്നില് ഒരു പ്രൊഫഷണല് സംഘമല്ലെന്ന് പോലീസ് സ്ഥിരീകരിക്കുകയും ചെയ്യുന്നു. നേരത്തെ ചില കേസുകളില് ഉള്പ്പെട്ടവരെയും കേന്ദ്രീകരിച്ചാണ് അന്വേഷണം.
കുട്ടിയെ കണ്ടെത്തി മണിക്കൂറുകള് കഴിഞ്ഞട്ടും പ്രതികളില് ഒരാളെയെങ്കിലും കണ്ടെത്താന് പൊലീസിന് കഴിയാത്തത് വിമര്ശനങ്ങള്ക്ക് ഇടയാക്കുന്നുണ്ട്. തിങ്കളാഴ്ച വൈകിട്ട് നാലങ്കസംഘം തട്ടിക്കൊണ്ടുപോയ ആറുവസ്സുകാരിയെ ഇന്നലെ ഉച്ചയ്ക്ക് 1.15 ഓടെ ആശ്രാമം മൈതാനത്ത് ഉപേക്ഷിക്കപ്പെട്ട നിലയില് കണ്ടെത്തുകയായിരുന്നു. ഒരു സ്ത്രീയെ മൈതാനത്ത് ഉപേക്ഷിച്ചുപോയി എന്നാണ് ദൃക്സാക്ഷികള് പൊലീസിന് നല്കിയ മൊഴി. സംഘത്തിനായി കൊല്ലം ജില്ലയിലും പുറത്തും അന്വേഷണം പുരോഗമിക്കുകയാണ്.
