കോട്ടയം: മുട്ടയില്ലാതെ സിംപിളായി ടോസ്റ്റ് ചെയ്താല് രുചി അത്ര പോരെന്ന് തോന്നിയേക്കാം. അങ്ങനെയെങ്കില് ഒരു എഗ്ലെസ്സ് റെസിപ്പി നോക്കിയാലോ ?
ചേരുവകള്
തൈര്- 1 കപ്പ്
കടലമാവ്- 3 ടേബിള്സ്പൂണ്
മുളുകുപൊടി- 1 ടീസ്പൂണ്
മഞ്ഞള്പ്പൊടി- 1 ടീസ്പൂണ്
ജീരകപ്പൊടി- 1 ടീസ്പൂണ്
ഉപ്പ്- ആവശ്യത്തിന്
സവാള- 1
ഇഞ്ചി- 1 ഇഞ്ച്
മല്ലിയില- 2 ടേബിള്സ്പൂണ്
ബ്രെഡ്- ആവശ്യത്തിന്
നെയ്യ്- ആവശ്യത്തിന്
ഒരു ബൗളിലേക്ക് ഒരു കപ്പ് തൈര് ചേർക്കാം. അതിലേക്ക് കടലമാവ്, മുളകുപൊടി, മഞ്ഞള്പ്പൊടി, ജീരകപൊടി എന്നിവ ചേർക്കുക. നന്നായി ഇളക്കി യോജിപ്പിക്കാം. ഒരു ചെറിയ കഷ്ണം ഇഞ്ചി വളരെ ചെറുതായി അരിഞ്ഞത്, ഇടത്തരം വലിപ്പമുള്ള സവാള അരിഞ്ഞത്, മല്ലിയില അരിഞ്ഞത് 2 ടേബിള്സ്പൂണ് തുടങ്ങിയവ ചേർത്തു നന്നായി ഇളക്കി യോജിപ്പിക്കാം. ഒരു ബ്രെഡ് എടുത്ത് മുകളിലായി ഈ മിശ്രിതം പുരട്ടാം. ഒരു പാൻ അടുപ്പില് വച്ച് ചൂടാക്കി അല്പ്പം നെയ്യോ എണ്ണയോ പുരട്ടാം. ബ്രെഡിൻ്റെ ഇരുവശങ്ങളും ഇത്തരത്തില് മിശ്രിതം പുരട്ടി വേവിച്ചെടുക്കാം. അല്പ്പം കുരുമുളകുപൊടിയോ, ചാട്മസാലയോ മുകളിലായി ചേർക്കാം. ശേഷം ചൂടോടെ തന്നെ വിളമ്ബാം.
