കൊച്ചി : 50,000 രൂപ കെട്ടിവയ്ക്കുക, ആറാഴ്ച അന്വേഷണ ഉദ്യോഗസ്ഥന് മുന്നില് ഹാജരാകുക എന്നീ ഉപാധികളോടെയാണ് ജാമ്യം. തിരുവനന്തപുരം ജില്ല പ്രിൻസിപ്പല് സെഷൻസ് കോടതിയാണ് ജാമ്യം അനുവദിച്ചത്. സെക്രട്ടറിയേറ്റിലേക്കും ഡിജിപി ഓഫീസിലേക്കും നടന്ന പ്രതിഷേധ മാര്ച്ചുമായി ബന്ധപ്പെട്ട കേസുകളിലെ ജാമ്യാപേക്ഷയാണ് കോടതി പരിഗണിച്ചത്. രാഹുല് മാങ്കൂട്ടത്തിലിന് ജാമ്യം നല്കരുതെന്ന് പ്രോസിക്യൂഷൻ ശക്തമായി വാദിച്ചു. രാഹുല് ആണ് അക്രമത്തിന് നേതൃത്വം നല്കിയത്.
പിരിഞ്ഞു പോയ പ്രവര്ത്തകരെ തിരിച്ചു വിളിച്ചു.അറസ്റ്റിലായവരെ മോചിപ്പിക്കാൻ ശ്രമിച്ചു.രാഹുലിനെ കസ്റ്റഡിയില് വേണമെന്നും പ്രോസിക്യൂഷൻ കോടതിയില് ആവശ്യപ്പെട്ടു. രാഹുലിന് എതിരായ കേസ് കെട്ടിച്ചമച്ചതെന്നായിരുന്നു പ്രതിഭാഗത്തിന്റെ വാദം.ഡിസംബര് 20ന് നടന്ന സംഭവത്തില് അറസറ്റ് ചെയ്യുന്നത് ജനുവരി 9നാണ്. അറസ്റ്റിന് ശേഷമാണ് ജാമ്യമില്ലാ വകുപ്പുകള് ചുമത്തിയത്. ന്യൂറോ പ്രശ്നങ്ങളുണ്ടെന്ന മള്ട്ടി സ്പെഷ്യാലിറ്റി ആശുപത്രിയുടെ റിപ്പോര്ട്ട് ഉണ്ട്. രാഹുലിനെ പരിശോധിച്ച സര്ക്കാര് ഡോക്ടര് ഇത് പരിശോധിച്ചിട്ടില്ല. രാഹുല് അക്രമം നടത്തിയെന്ന് റിമാൻഡ് റിപ്പോര്ട്ടില് ഇല്ലെന്നും പ്രതിഭാഗം ഉന്നയിച്ചിരുന്നു.