ഇടുക്കി: പതിനാറുകാരിയെ പ്രണയം നടിച്ച് പീഡിപ്പിച്ച 22 കാരന് 25 വർഷം കഠിന തടവും ഒരു ലക്ഷത്തി അറുപതിനായിരം രൂപ പിഴയും. ഇടുക്കി ബൈസൺവാലി കാക്കാക്കട സ്വദേശി അജയഘോഷിനെയാണ് ഇടുക്കി പൈനാവ് അതിവേഗ കോടതി ശിക്ഷിച്ചത്.
പെൺകുട്ടിയുമായി പ്രണയബന്ധം സ്ഥാപിച്ച ശേക്ഷം രാത്രികാലങ്ങളിൽ പെൺകുട്ടിയുടെ മാതാപിതാക്കൾ വീട്ടിലില്ലാത്ത സമയത്ത് പല ദിവസങ്ങളിൽ വീട്ടിൽ അതിക്രമിച്ചു കയറി പീഡിപ്പിച്ചു എന്നായിരുന്നു കേസ്.
പിഴ ഒടുക്കുന്ന തുക അതിജീവിതക്ക് നൽകണമെന്നും അല്ലാത്ത പക്ഷം അധിക ശിക്ഷ അനുഭവിക്കണം എന്നും കോടതി വ്യക്തമാക്കി.
2021 ൽ രാജാക്കാട് പോലീസ് രജിസ്റ്റർ ചെയ്ത കേസിൽ 17 സാക്ഷികളെയും 17 രേഖകളും പ്രൊസിക്യൂഷൻ കോടതിയിൽ ഹാജരാക്കി. പ്രൊസീക്യൂഷന് വേണ്ടി സ്പെഷ്യൽ പബ്ലിക് പ്രോസീക്യൂട്ടർ അഡ്വ. ഷിജോമോൻ ജോസഫ് കോടതിയിൽ ഹാജരായി.