കല്പ്പറ്റ: കാട്ടാനയില് നിന്ന് രക്ഷപ്പെടാൻ പുഴയില് ചാടിയ മലയാളി വനം വാച്ചറെ കാണാതായി.
കർണാടക ഗുണ്ടറ വനത്തിലെ വാച്ചർ ബേഗൂർ സ്വദേശി ശശാങ്കനെയാണ് കാണാതായത്.
അവശ്യസാധനങ്ങള് വാങ്ങാൻ വാച്ചർമാർ അതിർത്തി പ്രദേശമായ കൊളവള്ളിയിലേക്ക് വരികയായിരുന്നു. ഇതിനിടെ കാട്ടാന ആക്രമണം ഉണ്ടാവുകയായിരുന്നു.
കൂടെയുണ്ടായിരുന്ന വാച്ചർ രാജുവിനെ പുഴയില് മീൻ പിടിക്കുകയായിരുന്ന കൊളവള്ളി കോളനിയിലെ യുവാക്കള് രക്ഷപ്പെടുത്തി. നടന്നുപോകുന്നതിനിടെ ഇവരുടെ മുന്നിലേക്ക് പാഞ്ഞടുത്ത കാട്ടാനയില് നിന്ന് രക്ഷപ്പെടാൻ ഇവർ വെള്ളക്കെട്ടിലേക്ക് ചാടുകയായിരുന്നു.
സ്ഥലത്ത് തെരച്ചില് നടത്തിയെങ്കിലും ശശാങ്കനെ കണ്ടെത്താനായിട്ടില്ല.