തിരുവനന്തപുരം: വിഴിഞ്ഞം തുറമുഖത്തെത്തിയ ആദ്യ കപ്പല് ഷെൻഹുവായ്ക്ക് ഇന്ന് ഔദ്യോഗിക സ്വീകരണം.
ഇന്ന് വൈകീട്ട് നാലിന് കപ്പലിനെ ഔദ്യോഗികമായി ബെര്ത്തിലെത്തിക്കുന്ന മൂറിങ് ചടങ്ങുകള് നടക്കും.
അതിനുശേഷം നടക്കുന്ന സമ്മേളനം മുഖ്യമന്ത്രി ഉദ്ഘാടനം ചെയ്യും. കേന്ദ്ര തുറമുഖമന്ത്രി സര്ബാനന്ദ് സോനോവാള്, സംസ്ഥാന തുറമുഖമന്ത്രി അഹമ്മദ് ദേവര്കോവില്, അദാനി ഗ്രൂപ്പ് സി.ഇ.ഒ. കരണ് അദാനി തുടങ്ങിയവര് ചടങ്ങില് പങ്കെടുക്കും.
വ്യാഴാഴ്ചയാണ് തുറമുഖത്ത് സ്ഥാപിക്കാനുള്ള മൂന്ന് ക്രെയിനുകളുമായി ചൈനയില് നിന്നുള്ള കപ്പല് തുറമുഖത്തെത്തിയത്. ആദ്യ ചരക്കുകപ്പല് പോലെ, പ്രാധാന്യമുള്ള കപ്പലുകള് എത്തുമ്ബോള് ക്യാപ്റ്റനു മെമന്റോ നല്കി സ്വീകരിക്കുന്ന രീതിയാണ് തുറമുഖങ്ങളിലുള്ളത്.
ആ ചടങ്ങ് കപ്പല് എത്തിയ 12നു നടന്നിരുന്നു. നിര്മാണ ഘട്ടത്തിലുള്ള തുറമുഖമായതിനാല് കപ്പലിലെ ജീവനക്കാര്ക്കു കരയ്ക്കിറങ്ങാൻ അനുവാദമില്ല.