കോട്ടയം: നല്ല പഞ്ഞിപോലത്തെ പതുപതുത്ത നല്ല വെള്ളയപ്പം തയ്യാറാക്കിയാലോ? റെസിപ്പി നോക്കിയാലോ?
ആവശ്യമായ ചേരുവകള്
അരിപ്പൊടി (വറുത്തത്)- രണ്ട് കപ്പ്
തേങ്ങ- ഒരു കപ്പ്
ചോറ്- 4 ടേബിള് സ്പൂണ്
യീസ്റ്റ്- അര ടീസ്പൂണ്
പഞ്ചസാര- രണ്ട് ടേബിള് സ്പൂണ്
ഉപ്പ്- ആവശ്യത്തിന്
വെള്ളം- രണ്ട് കപ്പ്
തയ്യാറാക്കുന്ന വിധം
ആദ്യമായി മിക്സിയുടെ ജാറിലേക്ക് തേങ്ങ, ചോറ് ,ഉപ്പ് ,യീസ്റ്റ്, പഞ്ചസാര എന്നിവയിടുക. ശേഷം ഇതിലേക്ക് അരക്കപ്പ് വെള്ളം കൂടി ചേർത്ത് അരച്ചെടുക്കുക. ഇനി അരിപ്പൊടി ചേർക്കണം. എന്നിട്ട്, രണ്ട് കപ്പ് വെള്ളം കൂടി ചേർത്ത് വീണ്ടും അരച്ചെടുക്കുക. ഇതോടെ മാവ് തയ്യാറാകും.ഇത് ഇനി സെറ്റാകാനായി ഏകദേശം നാല് മണിക്കൂറോളം കാത്തിരിക്കണം. മാവ് പൊങ്ങിവന്നാല് ഒരു തവി കൊണ്ടിളക്കി വെള്ളയപ്പം ചുട്ടെടുക്കാം. ഇതോടെ നല്ല പഞ്ഞിപ്പോലുള്ള വെള്ളയപ്പം റെഡി. കടല, വെജിറ്റബിള് കറി, മുട്ടക്കറിയൊക്കെ ഇതിന് ബെസ്റ്റ് കോമ്പിനേഷൻസാണ്.