കൊച്ചി: തൂണേരി ഷിബിൻ വധക്കേസില് മുസ്ലീം ലീഗ് പ്രവർത്തകരായ ആറ് പ്രതികള്ക്ക് ജീവപര്യന്തം തടവ് ശിക്ഷ വിധിച്ചു.
ഡിവൈഎഫ്ഐ പ്രവർത്തകനായ 19 വയസുകാരൻ ഷിബിനെ വടകരയിലെ തൂണേരിയില് വച്ച് കൊലപ്പെടുത്തിയ കേസിലാണ് വിധി.
ഓരോ ലക്ഷം വീതം പ്രതികള് പിഴ നല്കണം. ഈ തുക ഷിബിന്റെ പിതാവിന് നഷ്ടപരിഹാരമായി നല്കണം.
പ്രതികളുടേത് നിഷ്ഠൂരമായ പ്രവൃത്തിയാണെന്നും പരമാവധി ശിക്ഷ നല്കണമെന്നും പ്രോസിക്യൂഷൻ കോടതിയില് ആവശ്യപ്പെട്ടു.
വിദേശത്തായിരുന്ന ആറ് പ്രതികള് കഴിഞ്ഞ ദിവസം തിരിച്ചെത്തിയിരുന്നു. ഇവരുടെ അറസ്റ്റ് രേഖപ്പെടുത്തിയ നാദാപുരം പൊലീസ് ആറുപേരെയും ഹൈക്കോടതിയില് ഹാജരാക്കുകയായിരുന്നു.