ശ്വാസകോശത്തെ പ്രത്യേകിച്ച് ശ്വാസനാളികളെ ബാധിക്കുന്ന ഒരു അലര്ജിയാണ് ആസ്ത്മ. അലര്ജി ഉണ്ടാക്കുന്ന ഘടകങ്ങള് ശ്വസനത്തിലൂടെ ഉള്ളിലേക്കെത്തുന്നതാണ് ആസ്ത്മയുടെ പ്രധാന കാരണം.കാലാവസ്ഥ, വായു മലിനീകരണം, പാരമ്ബര്യം തുടങ്ങിയവയൊക്കെ ആസ്ത്മ ഉണ്ടാകാനുള്ള സാധ്യതയെ കൂട്ടും.
മാറിയ കാലാവസ്ഥയില് കുട്ടികളില് ആസ്ത്മയുടെ ലക്ഷണങ്ങള് കൂടിയേക്കാം. ശ്വാസമെടുക്കാന് ബുദ്ധിമുട്ട്, ഇടയ്ക്കിടെ വരുന്ന ചുമ, വലിവ്, ശ്വാസോച്ഛാസം ചെയ്യുമ്ബോള് വിസിലടിക്കുന്ന ശബ്ദം കേള്ക്കുക, തുടങ്ങിയവയാണ് പ്രധാന ലക്ഷണങ്ങള്.
തണുപ്പുകാലത്തു ആസ്ത്മ രോഗികള്ക്ക് ഈ ലക്ഷണങ്ങള് മൂര്ച്ഛിക്കാനുള്ള സാധ്യതയുണ്ട്. ഈ ലക്ഷണങ്ങള് തണുപ്പ്, പൊടി, കായികാഭ്യാസം എന്നിവ ഉണ്ടാകുമ്ബോള് കൂടുന്നതും ആസ്ത്മയുടെ ലക്ഷണമാണ്. ആസ്ത്മയെ പ്രതിരോധിക്കാന് ശ്രദ്ധിക്കേണ്ട കാര്യങ്ങള്…
ഒന്ന്,കാലാവസ്ഥ മാറുന്നതനുസരിച്ച് ജീവിതശൈലിയില് മാറ്റം വരുത്തുക. തണുപ്പ് വളരെ കൂടുതലുള്ള ഭക്ഷണങ്ങള് ഡയറ്റില് നിന്നും ഒഴിവാക്കുക.
രണ്ട്, ആസ്ത്മയെ പ്രതിരോധിക്കാന് കുട്ടികള്ക്ക് രോഗ പ്രതിരോധശേഷി കൂട്ടാന് സഹായിക്കുന്ന ഭക്ഷണങ്ങള് നല്കാം. വിറ്റാമിനുകളും പോഷകങ്ങളും ആന്റി ഓക്സിഡന്റുകളും അടങ്ങിയ ഭക്ഷണങ്ങള് ഡയറ്റില് ഉള്പ്പെടുത്തുന്നത് ശ്വാസകോശത്തിന്റെ ആരോഗ്യത്തിനും പൊതുവേ നല്ലതാണ്.
മൂന്ന്, അടിസ്ഥാനപരമായ കാര്യമായ കൈകളുടെ ശുചിത്വം ഉറപ്പാക്കുക. കൈകള് ഇടയ്ക്കിടെ വൃത്തിയായി കഴുകുക.