പത്തനംതിട്ട: തിരുവല്ല കുറ്റൂരില് നേഴ്സിംഗ് വിദ്യാർത്ഥിയായ 19കാരനെ വീട്ടിലെ കിടപ്പുമുറിയില് തൂങ്ങി മരിച്ച നിലയില് കണ്ടെത്തി.
കുറ്റൂർ തലയാർ മട്ടയ്ക്കല് വീട്ടില് അനില് ജോസിന്റെ മകൻ ആരോണ് അനില് ജോസിനെയാണ് മരിച്ച നിലയില് കണ്ടെത്തിയത്. ഇന്നലെ രാത്രി 9 മണിയോടെയായിരുന്നു സംഭവം.
തമിഴ്നാട്ടിലെ നേഴ്സിംഗ് കോളേജില് ഒന്നാംവർഷ വിദ്യാർത്ഥിയായിരുന്നു ആരോണ്. നിരന്തരമായി മൊബൈല് ഫോണ് ഉപയോഗിച്ചിരുന്ന ആരോണിന്റെ ഫോണ് കഴിഞ്ഞ രണ്ടു ദിവസമായി തകരാറിലായിരുന്നു. ഇതേ തുടർന്നുള്ള മനോവിഷമമാണ് ആത്മഹത്യയിലേക്ക് നയിച്ചതെന്നാണ് പ്രാഥമിക വിവരം.
തിരുവല്ല പൊലീസ് സ്ഥലത്തെത്തി മൃതദേഹം താലൂക്ക് ആശുപത്രി മോർച്ചറിയിലേക്ക് മാറ്റി. ആരോണിന്റെ മാതാവ് കഴിഞ്ഞ ഒരു മാസക്കാലമായി കാനഡയില് ആണുള്ളത്.