കോട്ടയം: കോട്ടയം മെഡിക്കല് കോളേജ് കോമ്പൗണ്ടിൽ വെച്ച് വിദ്യാര്ത്ഥികളെ കടിച്ച തെരുവുനായയ്ക്ക് പേവിഷബാധ സ്ഥിരീകരിച്ചു. ചൊവ്വാഴ്ച വൈകീട്ടും ബുധനാഴ്ച പുലര്ച്ചെയുമായാണ് മെഡിക്കല് കോളേജിലെ ആറ് വിദ്യാര്ത്ഥികള്ക്ക് നായയുടെ കടിയേറ്റത്.
കടിച്ച നായയെ പിന്നീട് ചത്തനിലയില് കണ്ടെത്തിയിരുന്നു. നായയുടെ ജഡം തിരുവല്ലയിലെ ലാബില് എത്തിച്ച് നടത്തിയ വിശദമായ പരിശോധനയിലാണ് പേ വിഷബാധ സ്ഥിരീകരിച്ചത്. കടിയേറ്റ വിദ്യാര്ത്ഥികള് മെഡിക്കല് കോളേജ് ആശുപത്രിയില് ചികിത്സയിലാണ്.
മെഡിക്കല് വിദ്യാര്ത്ഥികളുടെ ഹോസ്റ്റലിന് സമീപമുള്ള വളവിലും ഹോസ്റ്റലിന്റെ മുന്നിലും വെച്ചായിരുന്നു നായയുടെ ആക്രമണം. പരിക്കേറ്റവര്ക്ക് പ്രതിരോധ കുത്തിവെപ്പ് നല്കി. പരിക്കേറ്റവരുടെ ആരോഗ്യനില തൃപ്തികരമാണെന്ന് ആശുപത്രി അധികൃതര് അറിയിച്ചു.